Techie
अन्तर्राष्ट्रिय

चिनियाँ हवाइ बजारबाट एक खर्ब ५४ अर्ब डलर आम्दानी

बेइजिङ, माघ १
चीनको हवाइ क्षेत्रबाट गत वर्ष १ खर्ब ५४ अर्ब अमेरिकी डलर राजस्व संकलन भएको छ । सिन्ह्वाका अनुसार सिभिल एभिएसन अथोरिटीले सन् २०१९ मा १० खर्ब युआन राजस्व उठेको जानकारी दिएको हो । उक्त वर्ष चीन विश्वकै दोस्रो ठूलो हवाइ बजार भएको पनि बताइएको छ । जुन अघिल्लो वर्षको तुलनामा ५.४ प्रतिशतको वृद्धि हो ।

सन् २०१९ मा चीनको हवाइ उद्योगले ६६ करोड यात्रु र ७५ लाख २० हजार टन हवाइ कार्गोलाई सेवा दिएको थियो । जुन वर्षगत तुलनामा सन् २०१८ भन्दा क्रमशः ७.९ र १.९ प्रतिशतले बढी हो । तथ्यांकअनुसार सन् २०१८ मा चीनको हवाइ क्षेत्रको वार्षिक आम्दानी ८ खर्ब ७५ अर्ब युआन रहेको थियो । तर एकै वर्षमा १७ प्रतिशतले आम्दानी बढेको हो । सन् २०२० को मध्यतिरै चीन विश्वकै ठूलो हवाइ बजार बन्ने आशा गरिएको छ । इन्टरनेशनल एयर ट्रान्सपोर्ट एसोसिएसनले यस्तो अनुमान गरेको सिन्ह्वाले जनाएको छ ।

तपाइको प्रतिकृया

यो पनि पढनुहोस