Techie IT
×
गृहपृष्ठअन्तर्राष्ट्रियपाकिस्तानमा विद्युत् महशुल बढ्यो

पाकिस्तानमा विद्युत् महशुल बढ्यो


इस्लामावाद ।
पाकिस्तानले विद्युत महशुलमा वृद्धि गरेको छ । मुद्रास्फीति, पेट्रोलियम पदार्थ, खाद्यान्नका सामानहरूको मूल्य वृद्धिपछि आर्थिक भार खेपिरहेका पाकिस्तानीहरूलाई सरकारले शुक्रबार त्रैमासिक समायोजनमा विद्युत् शुल्क बढाउने निर्णय गरेपछि थप मारमा परेका हुन् ।

एक निजी टिभी च्यानललाई उद्धृत गर्दै द न्युज इन्टरनेशनलले रिपोर्ट गरेको छ, ‘मन्त्रिपरिषद्ले ऊर्जा मन्त्रालयको उक्त निर्णयलाई अनुमोदन गर्दै पत्राचारमार्फत कार्यान्वयनमा लान आह्वान गरिसकेको छ । मन्त्रिपरिषद्ले आर्थिक वर्ष २०२० को चौथो त्रैमासिकमा प्रतिइकाइ ८२ पैसाको वृद्धिलाई अनुमोदन गरेको थियो ।

आर्थिक वर्षको पहिलो त्रैमासिकमा सरकारले समायोजनको हिसाबले प्रतिइकाइ ९० पैसाको वृद्धिलाई अनुमोदन ग-यो । विद्युत् शुल्कमा गरिएको पछिल्लो वृद्धि २०२१ अक्टोबरदेखि लागू गरिने न्युज इन्टरनेशनलले जनाएको छ ।

यो उल्लेखनीय छ कि मार्च २०२१ को सुरुमा राष्ट्रिय इलेक्ट्रिक ऊर्जा नियामक प्राधिकरण (नेप्रा) ले विद्युत दरमा प्रतियुनिट ८९ पैसा बढाउने सूचना गरेको थियो । विवरण अनुसार, महशुल दरहरुमा बढाइएको शुल्कका कारण प्राधिकरणलाई ६.९ अर्ब पाकिस्तानी रूपैयाँबराबरको अतिरिक्त राजस्व प्राप्त हुनेछ । केन्द्रीय विद्युत् खरिद गर्ने संस्था (सीसीपीए)मा शक्ति वृद्धि गर्नका लागि प्राधिकरणले फेब्रुअरी २५ मा सार्वजनिक सुनुवाइ गरेको थियो ।


क्याटेगोरी : अन्तर्राष्ट्रिय

तपाईको प्रतिक्रिया