बंगलादेशले चीनबाट डेढ करोड सिनोफार्म खोप किन्ने
ढाका ।
बंगलादेशले चीनबाट डेढ करोड कोरोनाविरुद्धको खोप खरिद गर्ने भएको छ । चिनियाँ कम्पनी सिनोफार्मले विकास गरेको खोपको पहिलो खेप जुनसम्ममा ढाका आइपुग्ने विदेशमन्त्री एके अब्दुल मोमेनले मंगलबार जानकारी दिएको बंगलादेशी मिडियाले जनाएका छन् ।
खोप खरिदको लागि भइरहेको द्विपक्षीय छलफल समेत सकारात्मक दिशामा अगाडि बढेको मन्त्री मोमेनले बताएका छन् । राष्ट्रसंघीय महासभाका अध्यक्षा वल्कन बोज्करसँगको बैठकका क्रममा पत्रकारसँग उनले भने, ‘खरिद सम्झौता लगभग अन्तिम भइसकेको छ, चाँडै पूर्णता पाउँदै छ ।’
नयाँ संक्रमित थपिने क्रम बढ्दै गर्दा चिनियाँ खोप खरिदको प्रक्रियाबारे गहन छलफल भएको होा । विदेशमन्त्री मोमेनका अनुसार बंगलादेशले डेढ करोड खोप खरिद गर्न लागेको हो । सुरुमा प्रतिमहिना ५० लाख खोप जुन, जुलाई र अगस्ट महिनामा आउनेछ । यसको लागि कागजपत्र समेत तयार भइसकेको छ ।
मन्त्री मोमेनले आफूले चिनियाँ विदेशमन्त्री वांग यीसँग गत हप्ता फोनमा कुरा गरेको बताउँदै वांगले असल मित्र बंगलादेशलाई खोप उपलब्ध गराउने आश्वासन दिएको समेत बताएका छन् । त्यस्तै उनले चीनमै विकास भएको अर्को खोप सिनोभ्याकलाई आकस्मिक प्रयोगको अनुमति दिइएको बताए । एक हप्ताभित्र एक चिनियाँ टोली बंगलादेश आएर स्थानीय रुपमै खोप उत्पादनको लागि सम्भाव्यता अध्ययन गर्नलागेको उनले जानकारी दिए ।
यता बंगलादेशले रुससँग पनि खोप खरिदको सम्झौता अन्तिम चरणमा पुगेको जनाएको छ । त्यसबाहेक कोभ्याक्सबाट पनि बंगलादेशले खोप पाउनेछ । सोही कारण खोपको कारण आगामी दिनमा समस्या नहुने बताइएको छ । भारतले खोप नदिएपछि बंगलादेशले चीन र रुससँग खोप खरिद गर्न लागेको हो । भारतले मार्चमा खोप निर्यातमा रोक लगाएको छ । बंगलादेशले भारतको सेरम इन्स्टिच्युटसँग तीन करोड खोप खरिदको सम्झौता गरेको थियो । जसमध्ये एक करोड दुई लाख खोप मात्रै निर्यात भएको बताइएको छ ।
क्याटेगोरी : विश्व बजार
ताजा अपडेट
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया