लन्डन ।
कोरोना भाइरस संक्रमणले महामारीको रुप लिँदा संसारभर ५० लाखभन्दा धेरै मानिस लखपति भएको एउटा अनुसन्धानले देखाएको छ । क्रेडिट सुसी रिसर्चले संसारमा लखपतिको संख्या ५२ लाखले बढेर पाँच करोड ६१ लाख पुगेको देखाएको हो ।
सन् २०२० मा पहिलोपटक एक प्रतिशत युवा लखपति बनेका थिए । सेयरबजारमा सुधार र घरको मूल्य बढ्दा उनीहरुको सम्पत्ति बढेको बताइएको छ । यो धनार्जनले अर्थतन्त्रमा महामारीले पारेको असरलाई समेत बेवास्ता गरेको अनुसन्धाताहरुले बताएका छन् । न्यून ब्याजदर र सरकारी सहयोगका राहत कार्यक्रमले सार्वजनिक क्षेत्रबाट विशाल आकारमा सम्पत्ति घरपरिवारमा हस्तान्तरण भएको बताइएको छ ।
सोही कारण घरायसी बचतमा समेत ठूलै वृद्धि भएको छ । यसबाट गृहऋण पनि घटाएको बताइएको छ । तीन करोड डलरभन्दा धेरै लगानीयोग्य सम्पत्ति भएका अल्ट्रा हाइ नेटवर्थ सम्पत्ति भएका व्यक्ति नै सन् २०२० मा विश्वभर २४ प्रतिशतले वृद्धि भएको छ । यो सन् २००३ यताकै उच्च वृद्धिदर हो ।
क्रेडिट सुसीका अनुसार लखपतिको संख्या अनुसन्धानमा खुलेभन्दा धेरै हुनसक्नेछ । क्रेडिटले लगानी गर्न सकिने र नसकिने दुवैखाले सम्पत्तिबारे अनुसन्धान गरेको बताएको छ । विज्ञहरुले महामारीले विश्व बजारमा केही थोरै अवधिलाई मात्रै प्रभाव पारेको बताएका छन् ।
यो रिपोर्टले विश्वको कुल सम्पत्ति ७.४ प्रतिशतले बढेको देखाएको छ । २१औँ शताब्दी सुरु भएयता १० हजार डलरदेखि एक लाख डलरसम्मको सम्पत्ति सन् २००० मा ५० करोड ७० लाख डलर रहेकोमा सन् २०२० को मध्यसम्म बढेर एक अर्ब ७० करोड अमेरिकी डलर पुगेको छ । खासगरी उदाउँदो अर्थतन्त्र भएका चीनजस्ता देशमा मध्यमवर्गीय मानिसहरुको विस्तार भएको रिपोर्टले उल्लेख गरेको छ ।
क्याटेगोरी : विश्व बजार
ताजा अपडेट
- राहुघाटमा निर्माणाधीन पाँच जलविद्युत् आयोजना अन्तिम चरणमा
- नयाँ वित्तीय साधनका लागि विश्व बैंकलाई ११ अर्ब अमेरिकी डलर कोष प्राप्त
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया