Techie IT
×
गृहपृष्ठअन्तर्राष्ट्रियन्यूनतम विश्व व्यवसाय कर १५ प्रतिशत राख्न एक सय ३० देश सहमत

न्यूनतम विश्व व्यवसाय कर १५ प्रतिशत राख्न एक सय ३० देश सहमत


जर्मनी ।
करिब एक सय ३० देशले विश्व न्यूनतम व्यवसाय कर १५ प्रतिशत राख्ने अमेरिकी राष्ट्रपति जो बाइडेनको प्रस्तावप्रति समर्थन व्यक्त गरेका छन् । एपीका अनुसार बिहीबार यस्तो सहमति भएको बताइएको छ । विश्वमा डिजिटल अर्थतन्त्र बढिरहेको अवस्थामा बहुराष्ट्रिय कम्पनीको नाफा न्यून दर भएका देशमा शिफ्ट हुनबाट रोक्न यस्तो सहमति भएको हो ।

नवीकरणीय ऊर्जा र पूर्वाधार क्षेत्रमा राजस्व जुटाउन लागिपरेका बाइडेनले बहुराष्ट्रिय कम्पनीलाई विश्वव्यापी रुपमा कर लगाउनुपर्नेमा जोड दिइरहेका छन् । पेरिसमा रहेको आर्थिक सहकार्य र विकास संस्थाले न्यूनतम करदरको मञ्जुरी भएको घोषणा गरेको हो ।

फ्रान्सका अर्थमन्त्री ब्रुनो लि माइरेले योा सहमतिलाई शताब्दीकै महत्वपूर्ण भएको बताएका छन् । फ्रान्सले यसअघि नै अमेरिकी कम्पनीलक्षित डिजिटल कर लगाउन सुरु गरिसकेको छ । यसअनुसार अमेजन, गुगल र फेसबुकलाई उसले लक्ष्य गरेको छ । तर विश्वव्यापी कर लगाउने काम सुरु भए ती कर फिर्ता गर्ने फ्रान्सले जनाएको छ । अमेरिकी ट्रेजरी सेक्रेटरी जानेट येलेनले पनि यसलाई ऐतिहासिक दिन भनेकी छिन् ।


क्याटेगोरी : अन्तर्राष्ट्रिय

तपाईको प्रतिक्रिया