ट्विटर, गुगल र फेसबुकविरुद्ध डोनाल्ड ट्रम्पले मुद्दा दर्ता गरे
अमेरिका ।
अमेरिकी पूर्वराष्ट्रपति डोनाल्ड ट्रम्पले विश्वचर्चित तीन कम्पनीविरुद्ध ‘सेन्सरसिप’को मुद्दा दर्ता गरेका छन् । ट्रम्पले तीन कम्पनीले आफूमाथि अनावश्यक नियन्त्रण गरेर अनिश्चित कालसम्म एकाउन्ट निलम्बन गरेको भन्दै मुद्दा दर्ता गरेको जानकारी दिएको छ ।
ट्रम्पले कम्पनीसँगै तिनका मालिकहरुविरुद्ध पनि मुद्दा दर्ता गरेको बीबीसीले जनाएको छ । गत जनवरीमा अमेरिकी संसद् भवनमा ट्रम्प समर्थकले हुलदंगा गरेका थिए । त्यसपछि उनको सामाजिक सञ्जाल एकाउन्ट धमाधम रद्द गरिएको थियो । ट्रम्पले गर्दा अरु मानिसको जीवनमा असुरक्षा हुने तर्क अघि सार्दै फेसबुक, ट्विटर र गुगलले एकाउन्ट नै निलम्बन गरिदिएका थिए ।
त्यसयता चुपचाप बसेका ट्रम्पले स्वतन्त्र अभिव्यक्तिविरुद्ध बन्देज लगाउनखोजेको भन्दै मुद्दा दर्ता गर्नुपरेको बुधबार बताए । न्युजर्सीस्थित बेडमिनिस्टरमा रहेको आफ्नो रिसोर्टमा पत्रकार सम्मेलन गर्दै ट्रम्पले सामाजिक सञ्जाल र तत्कालीन विपक्षी दल (हाल सत्तारुढ) डेमोक्रेटिक पार्टीका नेताहरुविरुद्ध आक्रोश पोखेका थिए । मुद्दामा आफूविरुद्ध गरिएका कारबाही अन्त्य गर्न माग गरिएको छ । उक्त मुद्दा फ्लोरिडा राज्यको संघीय अदालतमा दर्ता भएको छ ।
क्याटेगोरी : विश्व बजार
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया