Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठविश्व बजारविद्युतीय भ्यान कम्पनीमा हुन्डाई र कियाले ११ करोड डलर लगानी गर्ने

विद्युतीय भ्यान कम्पनीमा हुन्डाई र कियाले ११ करोड डलर लगानी गर्ने


लन्डन, माघ ८

दक्षिण कोरियाका अटो निर्माता हुन्डाई र कियाले बेलायतमा विद्युतीय भ्यान उत्पादनका लागि ११ करोड डलर लगानी गर्ने भएका छन् । यसका लागि बेलायती कम्पनी अराइभलसँग मिल्ने दुवै कम्पनीले विज्ञप्तिमार्फत जनाएका छन् । दुई कम्पनीले ‘क्लिन मोबिलिटी ट्रान्सफरमेसन’ लक्ष्य पूरा गर्न थप कम्पनीसँग सहकार्य गरेर विद्युतीय सवारीसाधन निर्माण गर्ने पनि उनीहरुले जनाएका छन् ।

युरोपमा पर्यावरणमैत्री सवारीसाधनको बजार युरोपमा बढिरहेको छ । अराइभलसँग मिलेर दुई कम्पनीले विद्युतीय सवारीसाधन उत्पादन गर्दा यसले आफूहरुलाई विश्व पर्या–मैत्री सवारीसाधन बजारमा नेतृत्व लिन सकिने हुन्डाइको रिसर्च एण्ड डेभलपमेन्टका प्रमुख अल्बर्ट बिअरम्यानले बताए । ११ करोड डलरमध्ये हुन्डाईले करिब ८ करोड ८० लाख र कियाले करिब २ करोड २० लाख डलर लगानी गर्नेछन् । अराइभलका सीईओ डेनिस स्वेर्डलोभले कम्पनीले दोस्रो पुस्ताको विद्युतीय सवारीसाधन उत्पादन सुरु गर्ने बताए । हुन्डाई र कियासँगको साझेदारी रणनैतिक भएको अराइभलले जनाएको छ ।

 

हुन्डाईले जनवरीको सुरुतिरै पूर्ण विद्युतीय सवारीसाधन उत्पादन गर्ने बताइसकेको छ । त्यस्तै कियाले पनि धेरैभन्दा धेरै विद्युतीय सवारीसाधन निर्माण गर्ने घोषणा गरिसकेको छ । हुन्डाईले गत अक्टोवरमै स्वचालित सवारीसाधन सार्वजनिक गर्दै टेस्ला, गुगल, एप्पल र अन्य कम्पनीको सूचीमा आफूलाई समावेश गरिसकेको छ ।एजेन्सी 


क्याटेगोरी : विश्व बजार

तपाईको प्रतिक्रिया