Techie IT
×
गृहपृष्ठअन्तर्राष्ट्रियब्राजिलमा कोभिडबाट हुने मृत्यु अझै घटेन, एक दिनमै एक हजार ३४४ को मृत्यु

ब्राजिलमा कोभिडबाट हुने मृत्यु अझै घटेन, एक दिनमै एक हजार ३४४ को मृत्यु


साओ पाओलो (रासस/सिन्ह्वा) । ब्राजिलमा कोभिड–१९ बाट हुने मृत्यु अझै पनि घट्न सकेको छैन । अधिकारीका अनुसार पछिल्ला केही दिनमा कोभिडबाट मृत्यु संख्या बढ्दै गएको छ । कोभिड–१९ बाट धेरै प्रभावित देशको सूचीमा रहेको ब्राजिलमा २४ घण्टामा कोरोना भाइरसबाट कम्तीमा पनि एक हजार ३४४ जनाको मृत्यु भएको स्वास्थ्य मन्त्रालयले जनाएको छ ।

ब्राजिलमा बुधबार मात्र पछिल्लो २४ घण्टा एक हजार ३४४ को ज्यान गएको मन्त्रालयका अधिकारीले जानकारी दिएका छन् । अहिलेसम्म सङ्क्रमणबाट ज्यान गुमाउने संख्या पाँच लाख ५३ हजार १७९ पुगेको छ । यहाँका अधिकारीले बुधबार यसअघिका दिनको तुलनामा धेरै नागरिकको कोभिड–१९ सङ्क्रमणबाट निधन भएको बताएका छन् ।

त्यसैगरी कोभिडबाट सङ्क्रमित हुनेको संख्या पनि गएको २४ घण्टामा करिब ४८ हजारभन्दा बढी रहेको छ । यो समेत गरी ब्राजिलमा कोभिडबाट सङ्क्रमित हुने नागरिकको संख्या एक करोड ९७ लाखभन्दा बढी रहेको पनि ब्राजिलको स्वास्थ्य मन्त्रालयले जानकारी दिएको छ । ब्राजिलमा दुई महिनाअघि कोभिड–१९ का सङ्क्रमित घटेको भएपनि पछिल्ला केही महिनामा भने यो संख्या बढ्दै गएको देखिएको छ ।


क्याटेगोरी : अन्तर्राष्ट्रिय

तपाईको प्रतिक्रिया