कम्बोडियालाई चीनको १५ करोड डलरको रंगशाला उपहार
कम्बोडिया । चीनले कम्बोडियामा १५ करोड डलर लागतमा नयाँ रंगशाला निर्माण गरी हस्तान्तरण गरेको छ । कम्बोडियालाई नयाँ रंगशाला बनाइदिने चीन पछिल्लो देश हो । चिनियाँ विदेशमन्त्री वांग यीले केही दिनअघि मात्र औपचारिक रुपमै ‘मोरोदोक टेक्नो नेशनल स्टेडियम’ प्रधानमन्त्री मन सेनलाई हस्तान्तरण गरेका हुन् । सन् २०१३ देखि स्टेडियम निर्माण सुरु भएको थियो। हस्तान्तरण गर्दै वांगले मित्रराष्ट्रको नाताले उक्त परियोजना पूरा गरी हस्तान्तरण गरेको बताएका थिए ।
उक्त रंगशाला राजधानी नोम पेन्हमा छ भने कम्बोडियाले सन् २०२३ मा ३२औँ दक्षिणपूर्वी एसियन गेम्स आयोजना गर्दै छ । यसको डिजाइन डुंगाकारको छ । ३२४ फुट अग्लो पाँचतले यो स्टेडियमको डिजाइनले चीन–कम्बोडियाको सम्बन्ध झल्काउँछ । सयौँ वर्षअघि चिनियाँहरु जहाजबाटै कम्बोडिया पुगेको बताइन्छ । यो रंगशालामा ६० हजार मानिस बस्न सक्छन्। यसमा अन्तर्राष्ट्रिय स्तरको फुटबल पिच छ। त्यस्तै ओलम्पिक साइजको स्विमिङ पुल, रनिङ ट्राक पनि समावेश छ । यसबाहेक ट्रेनिङ हल, इन्डोर जिम, एक्वेटिक सेन्टरलगायतका पूर्वाधार छन् । ३ सय ४० चिनियाँ इन्जिनियर र २४० कम्बोडियाली कामदारले स्टेडियम बनाएका हुन् । चीनले पछिल्लो समय विकासोन्मुख देशहरुलाई पूर्वाधार परियोजना उपहार दिइरहेको छ । बिजनेस इन्साइडरका अनुसार बेल्ट एन्ड रोड इनिसिएटिभ परियोजनासँग साटफेर गरी प्रभाव जमाउन चीनले यसलाई जोड दिएको हो ।
चीनले विमानस्थल, सडक, शिपिङ लेन्सजस्ता पूर्वाधार चीनले बनाइदिने गरेको छ । पछिल्लो समय स्टेडियम चीनको मुख्य प्राथमिकतामा परेको छ । एसिया, ल्याटिन अमेरिका र अफ्रिकी देशमा चीनले सयभन्दा धेरै स्टेडियम बनाइसकेको छ । निर्माण, डिजाइन र लगानी सबै चीनकै रहेको सन् २०१९ को ह्याबिट्याट इन्टरनेशनल जर्नलको रिपोर्टले देखाएको छ । केही अनुसन्धाताले त चीनको यस्तो विकास सहयोगलाई ‘स्टेडियम डिप्लोमेसी’ अर्थात् रंगशाला कूटनीति पनि भन्ने गरेका छन् ।
क्याटेगोरी : अन्तर्राष्ट्रिय
ताजा अपडेट
- सेयर बजार परिसुचक दुई हजार ५६ बिन्दुमा
- अमेरिकी पूर्वराष्ट्रपतिकै घरमा एफबीआईको छापा
- होन्डाको नयाँ मोटरसाइकल भारतमा सार्वजनिक
- गहुँ आयातमा लगाइएको अतिरिक्त शुल्क हटाउने तयारीमा भारत
- ४३ प्रकारका भुटानी वस्तुलाई बंगलादेशले बजार पहुँच दिने
- आणविक बम विष्फोटको ७७औँ वार्षिकी
- प्रभु लाइफको बिजनेस कन्फरेन्स तथा क्लब्स इभेन्ट सेलिब्रेसन सम्पन्न
- ग्लोबल आईएमई बैंक र माया मेट्रो अस्पतालबीच सम्झौता
धेरैले पढेको
- बढ्दो सहकारी जोखिम र सहकारी सुशासन
- सरकारी विद्यालयको निर्माण सामग्री प्रधानाध्यापकबाटै चोरी प्रहरीले दर्ता गर्न मानेन उजुरी
- हालको तरलताको अवस्था र त्यसका कारणहरू
- नागरिक समाज, विकास र जवाफदेहिता
- असहज परिस्थितिका कारण जटिल बनेको देशको जर्जर अर्थव्यवस्था
- उद्योगको क्षमता उपयोग ७० प्रतिशत वृद्धि
- संस्थापक सेयरलाई खरिदबिक्रीको व्यवस्था गर्न पाउने नीति बनाउन माग
- सुर्योदय टोल विकास संस्थाको तेस्रो बार्षिक साधारण सभा सम्पन्न
तपाईको प्रतिक्रिया