माग बलियो हुँदा पनि अमेरिकामा घट्यो नयाँ कार बिक्री
वासिङटन । अमेरिकामा पछिल्लो तीन महिनामा नयाँ कार बिक्री ह्वात्तै घटेको छ । बजारमा माग बढ्दा समेत कार बिक्री घटेको बताइएको छ । यसको प्रमुख कारण भने कम्प्युटर चिप्स र अन्य आपूर्ति प्रणालीगत समस्यालाई लिइएको छ ।
अटो फ्याक्ट्री बन्द हुँदा सवारीसाधन आपूर्तिमा समस्या निम्त्याएको थियो । जनरल मोटर्सले निरन्तर बिक्री घटेको बताइरहेको छ । त्यस्तै फियाट क्राइस्लर र फ्रान्सको पीएसए ग्रुपबीचको मर्जरपछि बनेको स्टेलान्टिसको पनि वर्षगत तुलनामा १९ प्रतिशतले कार बिक्री घटेको छ । महामारीअघिको बिक्रीसँग तुलना गर्दा यस्तो दर २७ प्रतिशत छ ।
यता टोयोटा र लेक्सस बिक्री गर्ने टोयोटा मोटरको तेस्रो त्रैमासिक बिक्री १.४ प्रतिशतले बढे पनि तीन महिनाको कुल बिक्री सेप्टेम्बरमा २२ प्रतिशतले घटेको बताइएको छ । अन्य कम्पनीको तुलनामा टोयोटाको सप्लाई चेनमा खासै धेरै समस्या नआएको उल्लेख गरिएको छ । सबैजसो कम्पनीले सेमिकन्डक्टर आपूर्तिमा आएको समस्यालाई बिक्री घट्नुको कारण औँल्याएका छन् ।
सवारीसाधनको अभावले नयाँ र प्रयोग भइसकेका कारहरुको मूल्य यो वर्ष उच्च हुनपुगेको बताइएको छ । कम्प्युटर चिपको अभाव सबैभन्दा ठूलो समस्या भएको बताइएको छ । जीएमले यही वर्षको अन्तिम तीन महिनामा यसमा सुधार हुने अपेक्षा गरेको छ । यही वर्षको सुरुतिर अटोमेकरले अब यसमा सुधार हुने अपेक्षा गरेका थिए । जीएमले त उत्तर अमेरिकी प्लान्टहरुमा अस्थायी रुपमा उत्पादन नै कटौती गर्नुपरेको थियो ।
महामारी सुरु भएको केही हप्तामै चिप्स अभाव देखिनथालेको थियो । यही वर्षको मध्यतिर अटोमेकरहरुले चिप्स आपूर्ति बढ्ने अनुमान गरेका थिए । तर यही बेला चिप्स बन्ने देशहरुमा कोरोना बौरियो । यसले गर्दा पनि फेरि चिप्स प्लान्ट बन्द हुनपुगे ।
क्याटेगोरी : विश्व बजार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया