Techie IT
×
गृहपृष्ठअन्तर्राष्ट्रियहार्ले डेभिडसन बाइकको सेयर मूल्य घट्यो

हार्ले डेभिडसन बाइकको सेयर मूल्य घट्यो


 युरोप,  माघ १५
चर्चित मोटरसाइकल निर्माता हार्ले डेभिडसनको राजस्व अमेरिकामा ह्वात्तै घटेको छ । मंगलबार कम्पनीले जनाएअनुसार अमेरिकी खुद्रा बजारमा बिक्रीमा कमी आएसँगै सेयरबजारमा कम्पनीको सेयर समेत ह्वात्तै घटेको छ । कम्पनीका अनुसार मोटरसाइकल, पार्टपुर्जा र अन्य सामग्रीको बिक्री घटेको छ । विश्लेषकहरुले ती वस्तुको बिक्री अझै घट्ने अनुमान गरेका छन् । प्रिमार्केट व्यापारमा कम्पनीको सेयर ६.६ प्रतिशतले घटेर प्रतिकित्ता ३२.५५ डलरमा पुगेको छ । अमेरिका कम्पनीको मुख्य बजार हो । कुल बिक्रीको आधा हिस्सा अमेरिकाले नै ओगट्छ ।

पछिल्लो समय कम्पनीका बाइकको मागमा समेत कमी आएको बताइएको छ । सन् २०१९ मा कम्पनीले २ लाख १३ हजार ९ सय ३९ वटा बाइक डिलरलाई आपूर्ति गरेको थियो । विगत ५ वर्षयता कम्पनीको सेयर मूल्य ४४ प्रतिशतले घटेको छ । यद्यपि एसएण्डपी ५०० मा भने ६३ प्रतिशतले बढेको छ । कम्पनीले गत वर्ष साढे ४ अर्ब अमेरिकी डलर आम्दानी गरेको थियो । सन् २०२० मा कम्पनीले ४ अर्ब ६६ करोड आम्दानी गर्ने बताइएको छ ।


क्याटेगोरी : अन्तर्राष्ट्रिय

तपाईको प्रतिक्रिया