Techie IT
×
गृहपृष्ठअन्तर्राष्ट्रियचिनियाँ कम्पनीमाथि अमेरिकाले फेरि प्रतिबन्ध लगायो

चिनियाँ कम्पनीमाथि अमेरिकाले फेरि प्रतिबन्ध लगायो

चीनले भन्यो– ‘चाइना टेलिकम’माथि अमेरिकी प्रतिबन्ध ‘द्वेषपूर्ण दमन’


वासिङटन । अमेरिकाले चीनको ठूलोमध्येको एउटा दूरसञ्चार कम्पनीको प्रतिबन्ध फेरि ब्युँताएको छ । राष्ट्रिय सुरक्षामा खतरा हुनसक्ने भन्दै यो निर्णय लिइएको बीबीसीले उल्लेख गरेको छ ।

अमेरिकाले चाइना टेलिकमलाई अबको ६० दिनभित्र अमेरिकामा सेवा दिन पूर्ण रोक्नुपर्ने भन्दै प्रतिबन्ध लगाएको हो । सरकारी अधिकारीहरुले चिनियाँ सरकारको कम्पनीमा नियन्त्रण हुँदा यसलाई सूचनाको पहुँच, भण्डारण, अवरोध र अमेरिकी दूरसञ्चारको गलत रुट गर्न अवसर मिलेको अमेरिकी आरोप छ । यसले अमेरिकाविरुद्धका जासुसीसहितका हानिकारक गतिविधि गर्न सजिलो हुने अमेरिकाले जनाएको छ ।

विगत २० वर्षयता उक्त कम्पनीले अमेरिकामा दूरसञ्चार सेवा प्रदान गर्दै आएको छ । कम्पनीले अमेरिकी निर्णयलाई दुःखद भनेको छ । ‘ग्राहकलाई सेवा गर्न उपलब्ध सबै विकल्प प्रयोग गर्ने कम्पनीले जनाएको छ । चिनियाँ दूरसञ्चार बजारमा प्रभुत्व जमाइरहेका तीनमध्ये चाइना टेलिकम पनि पर्छ । यो कम्पनीका एक सय १० देशमा दशौँ लाखौँ ग्राहक छन् । यसले ब्रोडब्यान्ड इन्टरनेटदेखि मोबाइल हुँदै ल्यान्डलाइन टेलिफोन नेटवर्कसम्ममा सेवा उपलब्ध गराउँछ ।

अमेरिकी ट्रेजरी सेक्रेटरी जानेट येलेनले चिनियाँ उपप्रधानमन्त्री लिउ हेसँग गरेको वार्तालगत्तै बाइडेन प्रशासनले यस्तो निर्णय लिएको बताइएको छ । यो बैठकलाई दुई देशको बिग्रिँदो सम्बन्ध सुधारको रुपमा लिइएको थियो । व्यापार र ताइवान मुद्दामा दुई शक्तिसम्पन्न देशबीच मतभेद भइरहँदा भएको वार्ताप्रति आशावादी हुने अवस्था आएको रुपमा लिइएको थियो । अमेरिकी संघीय सञ्चार आयोग (एफसीसी)ले सन् २०२० अप्रिलमै चाइना टेलिकम अमेरिकाजलाई बन्द गर्ने चेतावनी दिएको थियो ।

चिनियाँ सरकारी नियन्त्रण कायम हुँदा कम्पनीले चीन सरकारप्रति उत्तरदायी हुने र यसले अमेरिकालाई असर गर्नसक्ने अमेरिकी आरोप छ । राष्ट्रिय सुरक्षाको नाममा चिनियाँ कम्पनीमाथि लगाइएको यो पछिल्लो प्रतिबन्ध हो । गत वर्ष एफसीसीले हुवावे र जेटटीईलाई सञ्चार नेटवर्कका लागि खतरा भन्दै अमेरिकी कम्पनीलाई यी कम्पनीबाट सामग्री तथा उपकरण खरिद गर्न रोक लगाएको थियो । एफसीसीले सन् २०१९ मा चाइना मोबाइलको अमेरिकी लाइसेन्स पनि रद्द गरेको थियो । यसबाहेक चाइना युनिकम अमेरिकाज र प्यासिफिक नेटवर्कको लाइसेन्स पनि रद्द गरिएको थियो । सबै चिनियाँ कम्पनीमाथि चीन सरकारले अमेरिकामा जासुसी गर्न प्रयोग हुनसक्ने दाबी गर्दै आएको छ ।

‘चाइना टेलिकम’माथि अमेरिकी प्रतिबन्ध ‘द्वेषपूर्ण दमन’: बेइजिङ
यसैबीच, राष्ट्रिय सुरक्षाको चिन्तामा अमेरिकामा सेवा दिँदै आएको चिनियाँ दूरसञ्चार प्रदायक ‘चाइना टेलिकम’लाई देशभित्र सञ्चालन गर्न प्रतिबन्ध लगाउने संयुक्त राज्य अमेरिकाको निर्णय ‘द्वेषपूर्ण दमन’ भएको बेइजिङले बिहीबार बताएको छ । बेइजिङले यसले विश्वका गर्ने दुई बलिया अर्थतन्त्रले सम्बन्धमा सुधारका लागि गरिरहेको प्रयासमा प्रभाबित पार्नसक्ने चेतावनी दिएको छ ।

व्यापार, मानव अधिकार, ताइवान र कोभिड–१९ महामारीलगायतका थुप्रै विषयहरूलाई लिएर यी दुई मुलुकहरूबीच तनाव रहेको देख्न सकिन्छ । यसै हप्ताको सुरुतिर वासिङ्टनले ‘चाइना टेलिकम’लाई अमेरिकाजलाई ६० दिनभित्र आफ्नो सेवा बन्द गर्ने आदेश दिएपछि अमेरिकामा लगभग दुई दशकको सेवा अन्त्य गर्नुपर्ने अवस्था आएको र यसले चीन र अमेरिकाबीचको सम्बन्ध थप तनावपूर्ण हुनसक्ने अनुमान गरिएको छ ।

‘चाइना टेलिकम’को ‘चीन सरकारको स्वामित्व र नियन्त्रणले महत्वपूर्ण राष्ट्रिय सुरक्षा र कानून प्रवर्तनमा जोखिम उठाएको’ अमेरिकी संघीय सञ्चार आयोगले बताएको छ । एफसीसीले भनेको छ, ‘यसले बेइजिङलाई ‘अमेरिकी सञ्चारमा पहुँच, भण्डारण, विघटन वा गलत मार्गका अवसरहरू प्रदान गरेको र यसले उनीहरूलाई अमेरिका विरुद्ध जासुसी र अन्य हानिकारक गतिविधिहरूमा संलग्न हुन सहज बनाएकोले उक्त निर्णय गर्नुपरेको हो ।’

तर बेइजिङले यस कदमलाई ‘राष्ट्रिय सुरक्षाको अवधारणाको सामान्यीकरण, राष्ट्रिय शक्तिको दुरुपयोग र तथ्य वा आधारबिना चिनियाँ कम्पनीमाथिको द्वेषपूर्ण दमन’ भन्दै उक्त कदमप्रति गम्भीर चिन्ता व्यक्त गरेको छ । चिनियाँ वाणिज्य मन्त्रालयकी प्रवक्ता शु युटिङले पत्रकारहरूसँगको कुराकानीमा चीनको आर्थिक तथा व्यापार टोलीले संयुक्त राज्य अमेरिकासँग यस विषयमा ‘गम्भीरतापूर्ण रूपमा कुरा राखेको’ र बेइजिङ प्रतिबन्धबाट चिन्तित भएको बताए । 


क्याटेगोरी : अन्तर्राष्ट्रिय

तपाईको प्रतिक्रिया