ऐतिहासिक विश्व व्यवसाय करमा ठूला देशका नेता एकमत
रोम । विश्वका २० ठूला अर्थतन्त्र भएका देशहरुले ठूला व्यवसायको नाफामा न्यूनतम १५ प्रतिशत कर लगाउन विश्व सहमति गरेका छन् । बहुराष्ट्रिय कम्पनीहरुले आफ्नो नाफा जोगाउन थोरै कर लाग्ने देश प्रयोग गर्नथालेपछि विश्वका नेताहरु ठूला कम्पनीलाई करमा कस्ने बाटो खोजिरहेका थिए ।
उक्त सम्झौतामा रोममा भएको जी२० सम्मेलन उपस्थित सबै विश्व नेताले सहमति जनाएको बीबीसीले उल्लेख गरेको छ । जलवायु परिवर्तन र कोरोना मुख्य योजना रहेको सम्मेलन महामारी सुरु भएयता प्रत्यक्ष उपस्थितिमा भएको पहिलो सम्मेलन हो । जी२० समूहमा १९ देशसँगै युरोपेली संघ समावेश छन् । सम्मेलनमा चीनका राष्ट्रपति सी चिनफिङ र रुसी राष्ट्रपति भ्लादिमिर पुटिन भने अनलाइन रुपमा उपस्थित भएको जनाइएको छ ।
सम्मेलनमा भएको कर सम्झौताको प्रस्ताव अमेरिकाले गरेको थियो । आइतबार नै यसलाई आधिकारिक रुपमा स्वीकारिने रोयटर्सले जनाएको छ । यसको कार्यान्वयन भने सन् २०२३ देखि सुरु हुनेछ । अमेरिकी अर्थमन्त्री (ट्रेजरी सेक्रेटरी) जानेट येलेनले यो सम्झौतालाई विश्व अर्थतन्त्रको लागि अत्यन्त महत्वपूर्ण भनेकी छिन् । उनले ठूला कम्पनीहरुले धेरै कर तिर्नुपरे पनि यसबाट अमेरिकी व्यवसायी र श्रमिकहरुले फाइदा लिनसक्ने बताइन् ।
ग्लास्गोमा सोमबारदेखि सुरु हुने बहुप्रतीक्षित कोप२६ सम्मेलनअघि जी२० सम्मेलन भएको हो । जी२० मा जे हुन्छ त्यसले कोप२६ को भावना उजागर गर्ने अपेक्षा गरिएको छ । खासगरी जलवायु परिवर्तनविरुद्धका कदममा देशहरु विभाजित भइरहेका छन् । इटलीका प्रधानमन्त्री मारियो ड्राघीले दुई दिने जी २० सम्मेलन एकता र बहुपक्षीय सहकार्यको भावनासहित उद्घाटन गरेका थिए । विविधताबाट एकतामा आउँदा विश्वले धेरै राम्रो काम गर्न सक्ने उनले बताएका थिए । विज्ञहरुले कार्बन कटौतीमा ठोस कदम नचाले भविष्य चुनौतीपूर्ण हुने चेतावनी दिँदै आएका छन् ।
यसैबीच, जी–२० राष्ट्रहरू १.५ डिग्री जलवायु परिवर्तन लक्ष्यमा सहमत भएका छन् । जी–२० राष्ट्रका नेताहरूले विश्व तापमानलाई पूर्व–औद्योगिक स्तर भन्दा कम १.५ डिग्रीमा सीमित गर्ने सहमतिमा पुगेका हुन् । शिखर वार्तालाई नजिकबाट नियालेका तीन स्रोतहरूले आइतबार एएफपीलाई उक्त कुरा बताएका छन् ।
स्रोतहरूले दिएको जानकारीअनुसार ती नेताहरूले २०१५ को पेरिस सम्झौतामा सहमति भएको भन्दा बाहिर जाने विषयलाई अनुमोदन गरेका छन् । जसले ग्लोबल वार्मिङलाई २ डिग्री भन्दा कम १.५ डिग्रीको नजिकमा राख्न आह्वान गरेका छन् ।
क्याटेगोरी : विश्व बजार
ताजा अपडेट
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया