ठूला धनाढ्यले एक सातामै गुमाए अर्बौं डलर
अमेरिका । अमेरिकी केन्द्रीय बैंकले ब्याजदर बढाउने समाचार आएसँगै सेयरबजारमा त्यसको प्रभाव देखिएको छ । यसको परिणाम भने संसारकै धनाढ्यहरुको सम्पत्तिमा देखिएको छ ।
संसारकै धनी इलोन मस्कले सात दिनमा २५ अर्ब अमेरिकी डलर गुमाएका छन् । महंगी नरोकिएपछि फेडेरल रिजर्भले ब्याजदर बढाउने तयारी गरेको हो ।ब्लुमबर्गका अनुसार मस्कमात्र होइन अरु धनाढ्यले पनि गत हप्ता गुमाउनुपरेको छ। पाँच प्रविधि अर्बपतिहरुले बितेको सात दिनमा कुल ६७ अर्ब अमेरिकी डलर गुमाएका छन् ।
अमेजनका संस्थापक जेफ बेजोसले पनि बितेको हप्तामा २० अर्ब डलर गुमाएका छन् । उनले मस्कले भन्दा कम गुमाएका छन् । यता फेसबुकका संस्थापक मार्क जुकरबर्गको पनि १० अर्ब ४० करोड डलर गुमेको छ भने गुगलका ल्यारी पेजले सात अर्ब ६० करोड डलर गुमाउनुपरेको छ । माइक्रोसफ्टका मालिक बिल गेट्सले चार अर्ब ३० करोड डलर गुमाएका छन् ।
क्रिप्टोकरेन्सीका मालिक चांगपेंग झाओको सम्पत्ति पनि १७ अर्ब ७० करोड डलरले गुमेको छ । सबैभन्दा धेरै सम्पत्ति गुमे पनि मस्क विश्व धनाढ्य सूचीमा दबदबा कायम राखिरहेका छन्। गत नोभेम्बरमा उनको सम्पत्ति तीन सय अर्ब डलर नाघेको थियो । जुन संसारका मानिसहरुले आजसम्म पार गरेको पहिलो कोशेढुंगा थियो । ब्लुमबर्ग अर्बपति सूचकांकले मस्कसँग करिब दुई सय ४३ अर्ब डलर सम्पत्ति रहेको अनुमान गरेको छ ।
क्याटेगोरी : विश्व बजार
ताजा अपडेट
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
- मन्त्री चौधरी र राजदूत हेक्काबीच भेटवार्ता
- चीनको औद्योगिक मुनाफामा उच्च वृद्धि
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया