युनिलिभरले १५ सय रोजगारी कटौती गर्दै

लन्डन । उपभोग्य सामग्री बिक्रेता युनिलिभरले १५ सय रोजगारी कटौती गर्ने भएको छ । व्यवस्थापन र संरचना हेरफेर गर्ने क्रममा विश्वभरबाट उक्त संख्यामा रोजगारी कटौती गर्नलागेको कम्पनीले जनाएको छ ।

मारमाइट टु डोमेस्टोजको उत्पादक कम्पनीले आफ्नो कार्यबलको पाँच प्रतिशत कटौती गर्दा पनि कारखानामा शपफ्लोर रोजगारीमा कुनै असर नपर्ने बताएको छ । ५० अर्ब पाउन्डको ग्लाक्सोस्मिथक्लाइनको एक भाग किन्ने प्रयास असफल भएपछि केही सेयरसदस्यले परिवर्तनको माग गरेपछि कम्पनीमाथि दबाब सिर्जना भएको थियो । कम्पनीले बेलायत र आयरल्यान्डमा मात्रै छ हजारभन्दा बढीलाई रोजगारी दिएको छ ।

रोजगारी कटौती र पुनर्सांगठनिकीकरणको तयारी भने धेरै महिनायता हुँदै आएको थियो । नयाँ युनिलिभर अब पाँच डिभिजनयुक्त हुनेछ । यसमा ब्युटी, पर्सनल केयर र आइसक्रिम समेत हुनेछन् । सँगसँगै धेरै वरिष्ठ कार्यकारीहरुको परिवर्तन हुनेछ । युनिलिभरका ८० ब्रान्ड अहिले तीन डिभिजन ब्युटी एन्ड पर्सनल केयर, फुड एन्ड रिफ्रेसमेन्ट र होम केयरभित्र रहेका छन् ।