काबुलमा नियमित विद्यूत आपूर्ति नहुँदा सयौँ कम्पनी बन्द हुने अवस्थामा

अफगानिस्तान । अफगानिस्तानको राजधानी सहर काबुलमा नियमित विद्युत् आपूर्तिको समस्या देखिएको छ । सोही कारण कम्तीमा पाँच सय ८० उद्योगहरूको नियमित उत्पादन बन्द हुने अवस्थामा पुगेको हो ।

अफगानिस्तानी उद्योग तथा खानी कक्ष (एआईएमसी) शेरबाज कामिन्जाडाले बुधबार स्पुत्निकसँग भने, ‘उद्यमहरू नियमित हुन नसक्दा करिब चार हजार पाँच सय कामदारहरूले आफ्नो रोजगारी गुमाउने अवस्था आएको छ ।’ राजधानी सहर काबुलमा विद्युत्को अभाव भएको गुनासोबीच मध्यएसियाली राज्यहरू उज्बेकिस्तान, कजाकिस्तान र किर्गिस्तान समावेश भएको विद्युत् प्रणालीमा पाइने प्राविधिक समस्याका कारण उज्बेकिस्तानबाट विद्युत् प्रसारण रोकिएको टोलो न्यूजले बतायो ।

सन् २०२१ को नोभेम्बरमा अफगान राष्ट्रिय ऊर्जा कम्पनीले अफगानिस्तानलाई आवश्यक पर्ने ऊर्जाको मात्रा आठ सय ५० मेगावाट रहेको उल्लेख गरेको थियो । छिमेकी मुलुकहरूबाट छ सय २० वाट ऊर्जा उपलब्ध गराइएको थियो ।

यसअघि जनवरीमा उज्बेकिस्तानले अफगानिस्तानमा विद्युत् आयात घटाएको थियो । जसका कारण अफगानिस्तानका विभिन्न प्रान्तमा विद्युत् आपूर्तिमा अवरोध उत्पन्न भएको हो । जनवरी २५ मा यस क्षेत्रमा ठूलो विद्युत अवरोध हुँदा उज्बेकिस्तानले अफगानिस्तानमा निर्यात विद्यूतलाई काटेको थियो भने यसलाई मंगलबारदेखि पुनः स्थापित गरिएको छ ।