बंगलादेश चीनको ऋणको जालमा परेको छैन : विदेशमन्त्री

ढाका । बंगलादेशका विदेशमन्त्री एके अब्दुल मोमेनले ढाका चिनियाँ ‘ऋणको जाल’मा परेको दाबीलाई खारेज गरेको सिन्ह्वाले उल्लेख गरेको छ । शनिबार ढाकामा आयोजित एक कार्यक्रममा सहभागी भइसकेपछि सञ्चारकर्मीसँग कुरा गर्दै मोमेनले बंगलादेशलाई चीनले दिएको ऋण मुलुकको बाह्य ऋणको सानो अंश मात्रै रहेको बताएका छन् ।

सिन्ह्वाका अनुसार मन्त्रीले ऋण जाल चिन्ता भनेको चीनको बेल्ट एण्ड रोड इनिसिएटिभलाई ध्वस्त पार्ने र बेइजिङ र ढाका वा यस क्षेत्र र बाहिरका अन्य देशहरू बीचको सहयोगलाई रोक्नको लागि गरिएको स्पष्ट प्रयास भनेका छन् ।

ऋण–जीडीपी अनुपातको सन्दर्भमा मन्त्रीले भने बंगलादेशको कुल ऋण १५ प्रतिशत वा लगभग १६ प्रतिशतभन्दा बढी छ । मोमेनले भने कुनै पनि देशको ऋण कुल गार्हस्थ्य उत्पादनको झण्डै ४० प्रतिशत हुँदा ऋणमा फसेको भन्ने हुन्छ ।

बंगलादेशले अहिलेसम्म विश्व बैंक, एसियाली विकास बैंक र अन्तर्राष्ट्रिय मुद्रा कोषबाट सबैभन्दा बढी ऋण लिएको बताउँदै मोमेनले भने, ‘विदेशी स्रोतबाट लिने हाम्रो कुल ऋणको पाँच प्रतिशत पनि चिनियाँ ऋण पुगेको छैन ।’

मोमेनले कथित अधिकार दुरुपयोगको आरोपमा देशको ¥यापिड एक्सन बटालियनका अधिकारीहरूमाथि अमेरिकी प्रतिबन्धको आलोचना गरेपछि यो कदम धेरै दुर्भाग्यपूर्ण र तथ्यमा आधारित नभएको भएको भन्दै आएको छ ।