रुसी विमान कम्पनीलाई युरोपेली राष्ट्रले लगाए एयरस्पेस प्रयोगमा बन्देज
ब्रसेल्स । युरोपका झण्ड दर्जन राष्ट्रहरुले आफ्नो एयरस्पेस अर्थात् हवाइ क्षेत्रमा रुसी विमान कम्पनीहरुलाई प्रतिबन्ध लगाएका छन् ।
पछिल्लोपटक फिनल्यान्ड र आयरल्यान्डले रुसी उडानलाई आफ्नो एयरस्पेस प्रयोगमा प्रतिबन्ध लगाएका हुन् । यसअघि नै बेलायत, स्लोभेनिया, चेक गणतन्त्र, पोल्यान्ड, लिथुआनिया, लात्भिया, इस्टोनिया, रोमानिया र बुल्गेरियाले यस्तैखाले प्रतिबन्ध लगाइसकेका छन् ।
रुसले छिमेकी देश युक्रेनमाथि युद्ध छेडेसँगै युरोपेली देशहरु आक्रोशित भएका छन् । रुसले युक्रेन युद्ध थालेको तीन दिन बितिसकेको छ भने दुई सय बढी युक्रेनी सर्वसाधारणको ज्यान गएको छ । रुसतर्फ पनि ठूलो क्षति भएको आकलन गरिएको छ । युक्रेनले ४३ सय बढी रुसी सेना मारेको दाबी गरेको छ । युद्ध सुरु भएसँगै देश छाड्ने युक्रेनीको संख्या साढे तीन लाख नाघिसकेको संयुक्त राष्ट्रसंघले जनाएको छ ।
युक्रेनमाथि आक्रमण गरेपछि अमेरिकासहित युरोपेली देशले रुसमाथि विभिन्नखाले प्रतिबन्ध लगाइसकेका छन् । त्यसमा विश्व भुक्तानी प्रणाली प्रयोगबाट केही रुसी बैंकहरुलाई वञ्चित गराइसकिएको छ । पछिल्लो समय युक्रेनले डटेर रुसी आक्रमणको सामना गरेसँगै युरोपेली देशहरुले धमाधम हतियारजन्य सैन्य सहयोग समेत युक्रेन पठाउन थालेका छन् ।
क्याटेगोरी : विश्व बजार
ताजा अपडेट
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया