Techie IT
×
गृहपृष्ठअन्तर्राष्ट्रियपश्चिमा प्रतिबन्धको प्रभाव सामना गर्न रुसी केन्द्रीय बैंकले बढायो ब्याजदर

पश्चिमा प्रतिबन्धको प्रभाव सामना गर्न रुसी केन्द्रीय बैंकले बढायो ब्याजदर


मस्को । युक्रेनविरुद्ध रुसले गरेको आक्रमणपछि पश्चिमा देशले लगाएको प्रतिबन्धको प्रभाव भरथेग गर्न रुसी केन्द्रीय बैंकले ब्याजदर ह्वात्तै बढाउने निर्णय गरेको छ । रुसी केन्द्रीय बैंक द बैंक अफ रसियाले ९.५ प्रतिशत रहेको ब्याजदर एकैचोटि २० प्रतिशत पुर्याएको बीबीसीले जनाएको छ ।

खासगरी अमेरिका र सबैजसो युरोपेली राष्ट्रले आक्रमणको विरोध गर्दै रुसविरुद्ध असामान्य प्रतिबन्ध लगाएपछि भइरहेको रुसी मुद्रा रुबलको अवमूल्यन रोक्न र यसबाट भइरहेको महंगी नियन्त्रण गर्न ब्याजदर बढाउने निर्णय भएको बताइएको छ । मस्कोले कम्पनीहरुलाई समेत ८० प्रतिशत विदेशी मुद्रा बिक्री गर्न आदेश दिएको केन्द्रीय बैंक र अर्थ मन्त्रालयले जनाएको छ । केन्द्रीय बैंकले भनेको छ, ‘रुसी अर्थतन्त्रको बाह्य अवस्थामा व्यापक परिवर्तन आएको छ ।’

यसैबीच रुसी केन्द्रीय बैंकले ब्रोकरहरुलाई विदेशीले गर्ने सेयर कारोबारमा पनि निलम्बन गर्न आदेश दिएको छ । विदेशीले रुसी लगानीको हिस्सा बेच्न खोजेसँगै यस्तो आदेश दिइएको हो । रुसी मुद्रा अमेरिकी डलरको तुलनामा झण्डै ४० प्रतिशतले कमजोर बनिरहेका बेला यकेन्द्रीय बैंकले यस्तो कदम चालेको हो ।


क्याटेगोरी : अन्तर्राष्ट्रिय

तपाईको प्रतिक्रिया