विश्का हवाइ यात्रु वृद्धिदर झण्डै तीन प्रतिशतले घट्यो

लन्डन, माघ २६
अन्तर्राष्ट्रिय हवाइ यातायात संघले सन् २०१९ मा ४.२ प्रतिशत हवाइ यात्रु वृद्धि जनाएको छ । २०१८ मा ७.३ प्रतिशत हवाई यातायात वृद्धि भएकोमा २०१९ मा ४.२ प्रतिशत मात्रै भएको हो। यसले २०१८ को तुलनामा २०१९ को वृद्धिदरमा कमी आएको देखाएको छ । ‘एयरलाइन्सले विभिन्न चुनौतीहरुको सामना गर्दै गत वर्ष स्थिर वृद्धि गर्न राम्रा पदर्शन गर्यो।

एक नरम आर्थिक पृष्ठभूमि, कमजोर विश्वव्यापी व्यापार गतिविधि र राजनीतिक र भौगोलिक तनाव भोग्नुप-यो । उत्कृष्ट क्षमता व्यवस्थापन र ७३७ म्याक्स ग्राउन्डिङका प्रभावहरु हवाइ उद्योगमा पर्यो,’ संघका निर्देशक तथा सीईओ अलेक्जेन्डर डी जुनिकले भने ।

अन्तर्राष्ट्रिय हवाइ यात्रुमा सबैभन्दा धेरै अफ्रिकन एयरलाइन्सले ५ प्रतिशत वृद्धि गरेका छन् भने युरोपेमा ४.४, एसिया प्रशान्त क्षेत्रमा ४.५, दक्षिण अमेरिकामा ३.९, ल्याटिन अमेरिका ३ र सबैभन्दा कम वृद्धिदर मध्यपूर्वी देशमा २.६ प्रतिशत रहेको छ । आन्तरिक उडानमा चिनियाँ जहाजको ७.८ प्रतिशत रहेको छ भने भारतको ५.१ प्रतिशत यात्रु वृद्धिदर रहेको संघले उल्लेख गरेको छ ।