क्यानडाद्वारा दुई चिनियाँ कम्पनीलाई आफ्नो फाइभजी नेटवर्कमा प्रतिबन्ध
ओटावा । क्यानडाले ठूला चिनियाँ दूरसञ्चार सामग्री निर्मातालाई आफ्नो नेटवर्कहरुमा प्रतिबन्ध लगाउने भएको छ । उत्तर अमेरिकी देश क्यानडाले हुवावे र जेटटीईलाई आफ्ना फाइभजी फोन नेटवर्कमा काम गर्न नदिने भएको हो ।
क्यानडाका उद्योगमन्त्रीले यसबारे जानकारी दिएको बीबीसीले उल्लेख गरेको छ । उद्योगमन्त्री फ्रान्कोँ फिलिप स्याम्पेनले योसँगै क्यानडाको मोबाइल इन्टरनेट सेवामा सुधार आउने र नागरिकहरुको सुरक्षाको संरक्षण हुने जनाए । तर हुवावे क्यानडाले भने यस निर्णयबाट चिन्तित भएको बताएको छ । कम्पनीले यसलाई राजनीतिक भनेको छ ।
‘यो एउटा दुर्भाग्यपूर्ण राजनीतिक निर्णय हो यसमा साइबर सुरक्षा वा अन्य प्राविधिक प्रश्न उठेको कुरा भन्न मिल्दैन’, कम्पनीले एक वक्तव्यमा भनेको छ । बेलायत, अमेरिका, अस्ट्रेलिया र न्युजिल्यान्डले पनि यी कम्पनीमाथि यसअघि नै प्रतिबन्ध लगाइसकेका छन् ।
क्यानडाको यो घोषणा यसअघि नै अपेक्षा गरिएको थियो । ओटावामा रहेको चिनियाँ दूतावासले क्यानडाको राष्ट्रिय सुरक्षा चिन्ता भन्ने यो निर्णयलाई बेइजिङले राजनीतिक बढाइचढाइको संज्ञा दिएको छ । दूतावासका प्रवक्ताले यसलाई अमेरिकासँग मिलेर चिनियाँ कम्पनीलाई दबाउने चाल भएको आरोप लगाएको बताइएको छ ।
क्याटेगोरी : विश्व बजार
ताजा अपडेट
- निजी क्षेत्रप्रतिको पुरातन सोच-नीति त्याग्ने प्रयास
- कतारका अमिरको आश्वासन: नेपाली श्रमिकलाई ‘राम्रो सुविधा’ हुने क्षेत्रमा रोजगारी
- तराईका केही स्थानमा हुरीबतासको चेतावनी, बाँकी भागमा मौसम सफा रहने
- चेम्बर सल्लाहकार परिषद् अध्यक्षमा श्रेष्ठ
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया