Techie IT
×
गृहपृष्ठअन्तर्राष्ट्रियनाइकले चीनमा रन क्लब एप बन्द गर्ने

नाइकले चीनमा रन क्लब एप बन्द गर्ने


चीन । चर्चित कम्पनी नाइकले चीनमा रन क्लब एप बन्द गर्ने भएको छ । विश्वको दोस्रो ठूलो अर्थतन्त्र भएको देशमा आफ्नो व्यावसायिक अवस्था परिवर्तन गर्ने नाइक पछिल्लो पश्चिमा कम्पनी हो ।

अमेरिकी स्पोटर््सवेयर कम्पनीले चीनमा एक सूचना जारी गर्दै उक्त जानकारी दिएको हो । कम्पनीको निर्णय जुलाई ८ देखि कार्यान्वयनमा आउनेछ । नाइकका एक प्रवक्ताले आउँदा दिनमा चिनियाँ रनरहरुका लागि स्थानीयकृत प्लेटफर्म ल्याउने र आफ्नो डिजिटल प्लेटफर्महरुमा लगानी जारी राख्ने पनि बताएको छ ।

‘हामी चीनका लागि चीनबाट व्यावसायिक प्रणाली बनाउँदै छौँ, खासगरी यस क्षेत्रका विशेष उपभोक्ताको आवश्यकता पूरा गर्ने गरी’, ती प्रवक्ताले भने । चीन नाइकको मुख्यमध्ये एक बजार हो । कम्पनीले गत आर्थिक वर्षमा चीनबाट झण्डै आठ अर्ब ३० करोड डलर राजस्व संकलन गरेको थियो । यसमा हङकङ र ताइवानको समेत आम्दानी समावेश रहेको बताइएको छ । जुन एसिया प्रशान्त र ल्याटिन अमेरिकाको मिलाउँदा पनि धेरै हो । चीन धेरै ब्रान्डहरुको उत्पादन हब समेत रहेको छ ।


क्याटेगोरी : अन्तर्राष्ट्रिय

तपाईको प्रतिक्रिया