ब्रेक्जिटले जटिल बन्यो ईयूको बजेट योजना
युरोप, फागुन ९
युरोपेली नेताहरुले यही हप्ता राजधानी सहर ब्रसेल्स (बेल्जियम)मा भेटवार्ता गर्ने भएका छन् । नेताहरुले युरोपेली संघको आगामी बजेट योजनाबारे छलफल गर्न लागेको बीबीसीले जनाएको छ । तर ईयू ब्लकबाट बाहिरिएको बेलायतका कारण आगामी बजेट योजना जटिल बन्ने देखिएको छ । सदस्य राष्ट्रले गर्ने खर्चबारे जटिलता देखिएको बताइएको छ ।
ईयूले लामो समयका लागि बजेट योजना बनाउँछ । यसले कुल खर्चको तह र परिमाण आगामी सात वर्षका लागि तय गर्छ । अहिलेको फ्रेमवर्क यही वर्षको अन्त्यसँगै सकिने र त्यसपछि आगामी २०२७ सम्मको लागि नयाँ फ्रेमवर्क बनाउनुपर्ने अवस्था छ । नेदरल्यान्ड, अस्ट्रिया, स्विडेन र डेनमार्क ईयूले कम खर्च गर्ने प्रस्ताव गरिरहेका छन् । तर मध्य, पूर्वी र दक्षिण युरोपेली देशले कृषिमा खर्च सुरक्षित होस् भन्ने चाहेका छन् । उनीहरुले कम विकसित क्षेत्रमा सहयोग गर्नुपर्ने बताइरहेका छन् । यी देशमा खर्च प्रस्ताव घट्न सक्ने बताइएको छ ।
ईयूमा धेरै योगदानकर्ता देश भने जर्मनी हो । उसले पनि चार देशले जस्तै कम खर्चको पक्षमा छ । त्यसपछि धेरै योगदानकर्ता फ्रान्स हो । उसलाई किसानहरुले दबाब दिइरहेका छन् । ईयूको बजेट राष्ट्रिय बजेटको तुलनामा कम हुने गर्छ । चलिरहेको आर्थिक वर्षमा कुल युरोपेली अर्थतन्त्रको १ प्रतिशत बजेट रहेको थियो । यस्तोमा देशहरुले धेरै बजेट विनियोजन गर्ने गरेका छन् । यति हुँदाहुँदै पनि ईयू बजेटले नेताहरुमा आर्थिक र राजनीतिक हिसाबले धेरै अर्थ राख्ने गर्छ ।
सन् २०१३ मा ल्याइएको बजेटमा ईयूको खर्च सीमा कटौती गरिएको थियो । योपालि पनि त्यस्तै दबाब हुनसक्ने बताइएको छ । त्यसमाथि बेलायत बहिर्गमनले थप जटिलता बनाउनसक्नेछ । बेलायतले सन् २०१८ मा १७ अर्ब पाउन्ड स्टर्लिङ योगदान गरेको थियो । तर उक्त रकम अन्य सदस्य देशले व्यहोरेका थिए । जुन ईयूकै कार्यक्रमअन्तर्गत बेलायतमा खर्च भएको थियो । आगामी दिनमा उक्त कार्यक्रम समावेश हुनेछैन । ती सबै कटौती गर्दा पनि ९ अर्ब डलरको प्वाल कसरी टाल्ने भन्ने चिन्ता युरोपेली नेतामा रहेको छ ।
क्याटेगोरी : विश्व बजार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया