कान्ये वेस्टले सामाजिक सञ्जाल ‘पार्लर’ किन्ने
अमेरिका । चर्चित गायक कान्ये वेस्टले सामाजिक सञ्जाल पार्लर खरिद गर्ने भएका छन् । पार्लरले खरिदबिक्रीबारे घोषणा गरेको हो । गत हप्ता उनको ट्विटर र इन्स्टाग्राम एकाउन्ट लक गरिएको थियो ।
उनले विभेदकारी पोस्ट गरेको भन्दै ती कम्पनीले एकाउन्ट नै लक गरिदिएका थिए । पार्लर पनि एक सामाजिक सञ्जाल हो । यसलाई खासगरी अमेरिकी परम्परागत विचारधाराका मानिसहरुले प्रयोग गर्ने गरेका छन् । यसलाई मुख्य सामाजिक सञ्जालको वैकल्पिक सञ्जालका रुपमा लिइन्छ ।
पार्लरका प्रमुख कार्यकारी अधिकृत जर्ज फार्मले येले अब सामाजिक मिडियाबाट कहिल्यै हट्नु नपर्ने बताएका छन् ।
कान्येले किन्ने पक्का भए पनि कतिमा खरिदबिक्री हुनलागेको भन्ने पूरा खुलिसकेको छैन । यससम्बन्धी सम्झौता भने यही वर्षको अन्तिम त्रैमासिकमा हुने बताइएको छ । पछि पनि प्राविधिक सहायता उपलब्ध गराउने गरी सम्झौता हुनलागेको हो । यो एप गत महिना ९० हजार पटक विश्वव्यापी रुपमा डाउनलोड भएको थियो । तुलनात्मक रुपमा ट्विटर भने ९० लाखपटक डाउनलोड भएको छ ।
पार्लर न्यासभिल्ले, टेनिसीमा रहेको कम्पनी हो । सन् २०१८ मा यसको स्थापना भएको थियो । यसका डेढ करोड दर्ता भएका प्रयोगकर्ता छन् ।
क्याटेगोरी : विश्व बजार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया