‘अमेरिकाले बजार अर्थतन्त्र र निष्पक्ष प्रतिस्पर्धाको सिद्धान्तको सम्मान गर्नुपर्छ’

बेइजिङ । संयुक्त राज्य अमेरिकाले राष्ट्रिय सुरक्षाको अवधारणाको नाममा विदेशी कम्पनीहरूलाई दबाउन राज्य शक्तिको दुरुपयोग गरिरहेको चीनले आरोप लगाएको छ ।

चिनियाँ विदेश मन्त्रालयका प्रवक्ता माओ निङले नियमित प्रेस ब्रिफिङमा मङ्गलबार सो टिप्पणी गरेका हुन् । उनले भने, ‘ती गलत कार्यहरूको चीन दृढतापूर्वक विरोध गर्दछ ।’

ह्वाइट हाउसले सरकारी एजेन्सीहरूलाई सबै संघीय उपकरणहरूबाट टिकटक मेटाउन ३० दिनको समय दिएको बारेको प्रश्नमा उनको सो टिप्पणी आएको हो । जसमा अमेरिका–चीन प्रतिस्पर्धाको बीचमा अमेरिकी राष्ट्रिय सुरक्षामा चिन्ताको कारण दर्शाउँदै उठाइका विषयमा चीनको पछिल्लो टिप्पणी सार्वजनिक भएको हो ।

‘युवामाझ अत्यन्त लोकप्रिय एपसँग डराउन खोज्नु विश्वको शीर्ष महाशक्ति राष्ट्रको नीति अलिक उपयुक्त हुँदैन । यसका नाममा राष्ट्रिय सुरक्षाको अवधारणालाई बढाउँदै विदेशी कम्पनीहरूलाई दबाउन राज्य शक्तिको दुरुपयोग गर्नु गलत हो । हामी ती गलत कार्यहरूको दृढतापूर्वक विरोध गर्छौं । अमेरिकी सरकारले बजार अर्थतन्त्र र निष्पक्ष प्रतिस्पर्धाको सिद्धान्तको सम्मान गर्नुपर्छ, कम्पनीहरूलाई दबाउन छोड्नु पर्छ र विदेशी कम्पनीहरूको लागि खुला, निष्पक्ष र गैर–भेदभावरहित वातावरण उपलब्ध गराउनुपर्छ’, प्रवक्ता माओले भने ।