कुनै बेला फोब्र्सको सूचीका अर्बपति, अहिले कौडीमा आश्रित छन् नीरव
नवभारत टाइम्स, बहुचर्चित पञ्जाव नेशनल बैंक घोटालाका योजनाकार नीरव मोदी कौडीमा निर्भर भएका छन् । कुनै बेला हिरासँगै सुत्ने उनीसँग अहिले पिज्जा किन्ने पैसा समेत छैन । नीरव मोदीको अवस्था अहिले दुर्दशामा फसेको छ ।
भगौडा नीरव मोदीको खराब समय सुरु भइसकेको छ । उधारोबाट जिन्दगी चलिरहेको छ । उनको कम्पनी फायरस्टार डायमन्ड इन्टरनेशनल प्राइभेट लिमिटेडको खातामा मात्र २३६ भारु बचेको छ । मोदी कुनै बेला भारतकै धनी व्यापारीको सूचीमा अटाउँथे । तर अहिले कंगाल बन्नपुगेका छन् ।
रिपोर्टहरुका अनुसार नीरव मोदीको जिन्दगी उधारोमा चलिरहेको छ । उनीसँग अदालती कारबाहीको खर्च जुटाउनेसम्मको पैसा समेत छैन । सम्पत्ति जफत भएपछि मोदीको अवस्था बिग्रिएको छ । मोदीको खराब दिनको सुरुवात २०१९ मा त्यस्तो समयमा सुरु भयो जब उनी लण्डन प्रहरीको चंगुलमा फस्न पुगे ।
लण्डन प्रहरीले मोदीलाई गिरफ्तार गरिदियो । त्यसपछि उनको खराब दिन सुरु भएको थियो । नीरव मोदीले पञ्जाव नेशनल बैंक (पीएनबी) सहित भारतीय बैंकको हजारौँ करोड डुबाइदिए । उनीविरुद्ध सम्पत्ति शुद्धीकरणको मुद्दा, आपराधिक जालझेल, धोखाधडी र सरकारी कर्मचारीलाई प्रताडित गरेको जस्ता मुद्दा दर्ता छन् ।
सीबीआई र ईडीको जाँचपछि पीएमएलए अदालतले उनलाई भगौडा घोषित गरेको थियो । नीरव मोदीमाथि १४ हजार करोड अर्थात् १ खर्ब ४० अर्ब भारु ठगीको मुद्दा दर्ता भएको छ । सन् २०१७ को फेब्रुअरीमा नीरव मोदीले बैंकलाई गुमराहमा राखेर १ खर्ब ४० अर्ब भारु डुबाइदिएका थिए । त्यसपछि देशै छोडेर भागेका थिए ।
पीएनबीलाई डुबाउने काम सन् २०१७ फेब्रुअरीमा सुरु भएको थियो । नीरव मोदीले बैंकले ८ किस्तामा १ खर्ब ४० अर्ब भारु ऋण लियो । सन् २०१८ जनवरीमा ऋण लिएपछि मोदी भारतबाट भागेका थिए । सन् २०१८ मा पीएनबी बैंकले उनीविरुद्ध धोखाधडीको मुद्दा दर्ता गरेको थियो । सन् २०१८ फेब्रुअरीमा सीबीआईले उनीविरुद्ध एफआईआर दर्ता गरेको थियो । त्यही वर्ष जुनमा उनीविरुद्ध इन्टरपोलले रेड कर्नर नोटिस जारी गरेको थियो ।
सन् २०१९ अगस्टमा सीबीआईले नीरव मोदीको सुपुर्दगी मागेको थियो । बेलायतको तल्लो अदालतले उनको सुपुर्दगीलाई स्वीकृति पनि दिएको थियो तर सन् २०२१ मा यो फैसलाविरुद्ध बेलायती उच्च अदालतमा निवेदन दर्ता गर्यो । अहिले यो मुद्दा अदालतमै विचाराधीन छ ।
नीरव मोदीलाई कुनै बेला ‘डायमन्ड किङ’ले पनि चिनिन्थ्यो । उनको सम्बन्ध बेल्जियमको एन्टवर्प सहरका हिरा कारोबारी परिवारसँग रहेको छ । अमेरिकाका वार्टन स्कुलमा पढेपछि मोदीले सन् २०१० मा आफ्नो नामबाट ज्वेलरी ब्रान्डको सुरु गरेका थिए । हलिउडमा उनको डिजाइन भएको ज्वेलरीको विशेष माग थियो । उनको ब्रान्ड यति चर्चित भयो कि उनले सन् २०१७ मा फोर्ब्स अर्बपति सूचीमा आफूलाई ८५औँ नम्बरमा पु¥याए । नीरव मोदीसँग त्यो समयमा १.७३ अर्ब अमेरिकी डलर अर्थात् १ खर्ब १० अर्ब भारु सम्पत्ति थियो । भावानुदित
क्याटेगोरी : विश्व बजार
ट्याग : #Page 5
ताजा अपडेट
- ६२० किमी रेन्ज दिने प्रिमियम ईभी यसयुभी सार्वजनिक
- १० करोड लगानीमा ‘त्रिशुली भिल्ला’ सञ्चालनमा
- सामसङको ग्यालेक्सी एम१४ एलटीई सार्वजनिक
- ग्लोबल आइएमई बैंक र हब इन्टरनेसनल एजुकेसनबीच समझदारी
- मुक्तिनाथ विकास बैंक र फाइनान्स फ्रेन्डबीच समझदारी
- ज्योति विकास बैंकको नाफा १५ करोड २४ लाख
- कुमारी बैंकको १० लाख कित्ता संस्थापक सेयर बिक्रीमा
- नेपाल एसबीआई मर्चेन्टमा एसईई दिएका विद्यार्थीलाई छुट
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया