युरोपको ठूलो कच्चा तेल आपूर्तिकर्ता अमेरिका

ब्रसेल्स । संयुक्त राज्य अमेरिका युरोपको ठूलो कच्चा तेल आपूर्तिकर्ता बनेको छ । सीएनएनका अनुसार उसले रुसलाई पछि पारेको हो । गत डिसेम्बरमा युरोपको १८ प्रतिशत कच्चा तेल अमेरिकाबाट आएको ईयूको तथ्यांक कार्यालय युरोस्ट्याटले मंगलबार जनाएको हो ।

त्यतिबेलासम्म रुस नै ठूलो आपूर्तिकर्ता थियो । सन् २०२२ को जनवरी सकिँदासम्म कुल आयातको ३१ प्रतिशतभन्दा धेरै कच्चा तेल रुसले आपूर्ति गरिरहेको थियो । जब कि त्यतिखेर अमेरिका दोस्रो स्थानमा थियो। उसको हिस्सा १३ प्रतिशत थियो ।
युक्रेनमाथि आक्रमण थालेयता युरोपको ऊर्जा आपूर्तिमा उतारचढाव आएको छ । युरोपेली देशले रुसप्रतिको निर्भरता घटाइरहेका छन् ।