Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठविश्व बजारचीनले विश्वको पहिलो फाइभ–जी क्रुज पानीजहाज ल्याउँदै

चीनले विश्वको पहिलो फाइभ–जी क्रुज पानीजहाज ल्याउँदै


काठमाडौं,चीनले सन् २०२३को अन्त्यसम्म घरेलुरूपमा निर्मित विश्वको पहिलो फाइभ–जी क्रुज जहाज ल्याउँदै छ । जसलाई अडोरा म्याजिक सीटी भनिनेछ । जहाजको यो नाम शुक्रबार सांघाईमा अनावरण गरिएको थियो । जहाज यस वर्षपछि डेलिभर हुने बताइएको छ ।अडोरा म्याजिक सिटीले पूर्वी र पश्चिमी संस्कृतिहरू मिश्रण गर्नेछ भने यात्रामा अद्वितीय क्रुज अनुभव प्रदान गर्ने बताइएकोे छ ।

क्रुज टेक्नोलोजिज विकास कम्पनी र सांघाई वाइगाक्यूओ जहाज निर्माण कम्पनीद्वारा संयुक्तरूपमा डिजाइन र निर्माण गरिएको यो जहाज तीन सय २३ दशमलव छ मिटर लम्बाइको छ । यसले पाँच हजार दुई सय ४६ यात्रुसहित एक लाख ३५ हजार पाँच सय टन भार क्षमता राख्दछ ।

जहाजको सफलतापूर्वक डेलिभरीपछि सांघाई बन्दरगाह र छिमेकी देशहरूबीच अन्तर्राष्ट्रिय मार्गहरूको युग सुरु हुने विश्वास गरिएको छ । यससँगै चीन र अन्य देशहरूबीच सांस्कृतिक आदानप्रदान बढाउन सहयोग पुग्ने चिनियाँ अधिकारीहरूले बताएका छन् ।


क्याटेगोरी : विश्व बजार
ट्याग : #Page 5

तपाईको प्रतिक्रिया