Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठविश्व बजारभारतीय अर्थतन्त्रमा कोभिडको प्रभाव नसकिएको दाबी

भारतीय अर्थतन्त्रमा कोभिडको प्रभाव नसकिएको दाबी


नयाँदिल्ली । भारतीय केन्द्रीय बैंक रिजर्भ बैंक अफ इन्डिया (आरबीईआई)ले कमजोर खपत, मागमा आएको संकुचन र बढ्दो लागतका कारण अर्थतन्त्र अझै प्रभावित भइरहेको प्रतिवेदन सार्वजनिक गरेको छ । मंगलबार जारी भएको प्रतिवेदनमा विगतमा बलियो लचकता प्रदर्शन गरेको अर्थतन्त्र यसपटक केही संकुचित बनेको उल्लेख छ ।

यद्यपि भारतीय अर्थतन्त्रले विश्वव्यापी वृद्धिमा सुस्तता, लामो समयसम्म भू–राजनीतिक तनाव र विश्वव्यापी वित्तीय प्रणालीमा उत्पन्न भएको नयाँ घटनाहरूका बीच पनि सम्भावित उछालको नकारात्मक जोखिमहरूको सामना गर्न सक्षम रहेको आरबीआईले भनेको छ ।

आरबीआईले अनिश्चितताका बीच भारतमा निजी लगानी बढ्न नसकेको स्वीकार गरेको छ । आरबीआईले मुद्रास्फीतिको दबाब र विश्व व्यापारमा देखिएको खण्डीकरणको प्रभावले समग्र उपभोग मागलाई कम गरेकाले यसमो वृद्धिमा ढिलाई हुनसक्ने चेतावनी दिएको छ ।

चालू आर्थिक वर्षको दोस्रो त्रैमासमा भारतीय अर्थतन्त्रमा मद्यम खालको वृद्धि भएको बताएको छ । यसको कारण उच्च मुद्रास्फीति र उपभोगमा आएको कमी, निर्यात वृद्धिमा सुस्तता रहेको आरबीआईले बताएको छ ।

ग्रामीण माग कमजोर रहेको, दुईपाङ्ग्रे सवारीसाधनको बिक्रीमा निरन्तर गिरावट आएको छ । भारतीय अर्थतन्त्रमा ग्रामीण क्षेत्रले ४० प्रतिशत ओगट्छ ।


क्याटेगोरी : विश्व बजार
ट्याग : #Page 5

तपाईको प्रतिक्रिया