भोडाफोन र हचिसनले मर्जर घोषणा गर्ने

बेलायत । भोडाफोन र सीके हचिसनले ब्रिटिस अपरेसनहरू एक–आपसमा गाभ्न अन्तिम सहमति गरेका छन् । दुई कम्पनीले आगामी हप्ताको सुरुसम्म मर्जर घोषणा गर्ने भएकोे स्रोतले बताएकोे छ ।

सहमति भएको सम्झौताको संरचना अक्टोबरमा भोडाफोनको घोषणासँग मिल्दोजुल्दो छ । जसमा बेलायती समूहको ५१ प्रतिशत र हचिसनको ४९ प्रतिशत स्वामित्व रहेको । दुई कम्पनीबीच नगद आदानप्रदान गर्नुको सट्टा स्वामित्व समायोजन गरेर हासिल गरिएको बताइएको छ । विश्लेषकहरूका अनुसार ऋणसहित सम्झौताको मूल्य लगभग १५ बिलियन पाउन्ड रहेको छ ।