ब्याजदर यथावत राख्ने आरबीआईको निर्णय

नयाँदिल्ली । भारतीय केन्द्रीय बैंक रिजर्भ बैंक अफ इन्डिया (आरबीआई)ले ब्याजदर नबढाउने भएकोे छ । बिहीबार सम्पन्न आरबीअआईको मौद्रिक नीति समितिको बैठकले रिपोदर यथावत् राख्ने निर्णय गरेको हो ।

आरबीआईले रिपोदर स्थिर राखेको यो दोस्रो पटक हो । समितिको यसअघिको बैठकले पनि रिपोदर स्थिर राख्ने निर्णय गरेको थियो । बैंकले मुद्रास्फीतिको चाप कम गर्न कसिलो मौद्रिक नीतिलाई यथावत् राख्ने संकेत पनि गरेको छ ।

भारतमा अप्रिलमा मुद्रास्फीति चार दशमलव सात प्रतिशत रहेको थियो । यो मुद्रास्फीति १८ महिनायताकै न्यून भएको बताइएको छ । चालू आर्थिक वर्षमा खुद्रा मुद्रास्फीति औसत पाँच दशमलव एक प्रतिशत कायम रहने आरबीआईको प्रक्षेपण छ ।

महँगी नियन्त्रण गर्न विश्वका अन्य देशहरूले पनि रिपोरेट बढाउँदै लगेका थिए । केही विकसित देशका केन्द्रीय बैंकहरूले पनि रिपोदर बढाउन छोडिसकेका छन् । रिपोदर नबढ्दा कर्जाको ब्याजदर पनि बढ्ने छैन ।