नेपाल विश्वकप छनोटमा प्रवेश

काठमाडौं,आइसीसी पुरुष क्रिकेट विश्व कप लिग–२ अन्तर्गतको खेलमा नेपाल बिजयी भएको छ । अध्यारो हुँदै जादा खेल डकवर्थ लेविस पद्धतिमा जादा नेपाल ९ रनले खेल जित्न सफर रर्‍यो । नेपाललाई खेल जिताउन चार जना ब्याटरहरुले अर्धशतक प्रहार गरेका थिए । कुशल भुर्तेल ५०, भिम सर्की ६७ ,आरिफ शेख ५२ र गुलशन झाले नटआउट ५० रन प्रहार गरे । त्यस बाहेक नेपालले ओपनर आसिफ शेखलाई शुन्य ,कुशल मल्ल ५, कप्तान रोहित पौडेल १६ रनमा आउट भएका थिए । दिपेन्द्र सिंह ऐरिले नटआउट १० रन बनाएका थिए ।

यसअघि संयुक्त अरब इमिरेट्स (युएई)ले नेपाललाई जितका लागि ३११ रनको विशाल लक्ष्य दिएको थियो । कीर्तिपुरस्थित त्रिभुवन विश्वविद्यालयको क्रिकेट मैदानमा आज जारी खेलमा टस जितेर पहिले ब्याटिङ रोजेको युएईले निर्धारित ५० ओभरमा ६ विकेटको क्षतिमा ३१० रनको विशाल योगफल बनाएको थियो। एकदिवसीय अन्तर्राष्ट्रिय क्रिकेटमा नेपालले पहिलो पटक यति ठूलो रनको लक्ष्य प्राप्त गरेको हो ।

युएईका लागि आसिफ खानले शतक प्रहार गरे । कूल ४२ बल खेलेका उनले ११ छक्का र चार चौकाको मद्दतमा अविजित १०१ रनको योगदान गरे । यसैगरी युएईका अर्का खेलाडी भृत्य अरविन्दले ९४ रन जोडे । कूल १३८ बल खेलेका उनले दुई छक्का र आठ चौकाको मद्धतमा ९४ रनको योगदान दिएका हुन ।

त्यस्तै यूएईका कप्तान मोहम्मद वसीमले पनि अर्धशतक प्रहार गरे । उनले ४३ बलमा छ छक्का र दुई चौका प्रहार गर्दै ६३ रन बनाए । साथै रोहन मुस्तफाले २० रन र आर्यन लाक्राले छ रन बनाए । सिपी रिजवानले सात रन बनाए भने आयन अफजल खानले तीन रन जोडे ।

बलिङतर्फ नेपालका दीपेन्द्रसिह ऐरीले दुई विकेट लिए भने सन्दीप लामिछाने, ललित राजबंशी र सोमपाल कामीले समान एक/एक विकेट लिए ।

यस खेलमा नेपाल विजयी भएसँगै शीर्ष तीनभित्र पर्दै आगामी वर्ष जिम्बावेमा हुने एकदिवसीय विश्वकप ग्लोबल छनोट खेल्न पाएको छ । त्यस्तै, नेपाल बिजयी भएसँगै नामिबियाले विश्वकप छनोट खेल्ने अबसर गुमाएको छ ।

नेपाल लिग २ का ३६ मध्ये १९ मा जित र १५ मा हारसहित ४० अङ्कका साथ तालिकाको तेस्रो स्थानमा छ । त्यस्तै नामिबिया ३९ अङ्क जोड्दै चौथो स्थानमा छ भने ३५ अङ्क जोडेको अमेरिका पाँचौँ स्थानमा छ । युएई ३६ खेलमा ३३ अङ्कका साथ छैटौँ स्थानमा छ । स्कटल्यान्ड ५० अङ्कका साथ शीर्ष स्थानमा छ भने ओमान ४४ अङ्कका साथ दोस्रो स्थानमा रहँदै सोझै विश्वकप छनोटमा पुगिसकेका छन् । पपुवा न्युगिनी ११ अङ्कका साथ तालिकाको अन्तिममा छ ।

क्याटेगोरी : खेलकुद