Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठखेलकुद‘वीर गणेशमान सिंह १० के रोड रेस’को उपाधिको मुकेश र राजपुरालाई

‘वीर गणेशमान सिंह १० के रोड रेस’को उपाधिको मुकेश र राजपुरालाई


काठमाडौं । ‘वीर गणेशमान सिंह चौथो १०के रोड रेस’को उपाधि पुरुषतर्फ त्रिभुवन आर्मीका मुकेश पालले तथा महिलातर्फ नेपाल पुलिसकी राजपुरा पछाईले जितेका छन् । शनिबार काठमाडौंमा भएको प्रतियोगितामा मुकेशले निर्धारित दूरी ३१ मिनेट २१.७६ सेकेन्डमा पूरा गरेका थिए भने राजपुराले ३६ मिनेट ४३.२ सेकेन्डमा पूरा गरिन् ।

नेपाल एपीएफ क्लबका साबिक विजेता गोपीचन्द्र पार्की ३१ मिनट ३८.६८ सेकेन्डको समयसहित दोस्रो हुँदा आर्मीका दीपक अधिकारी ३१ मिनेट ४७.४२ सेकेन्डको समयसहित तेस्रो भए । पुरुषतर्फ आर्मीका सञ्जय श्रेष्ठ चौथो र केन्याका सिमोन किपगेट पाँचौँ भए ।

यसैगरी पुलिसकै राममाया बुढा ३७ मिनेट ५४.१५ सेकेन्डको समयसहित दोस्रो हुँदा एपीएफकी पुष्पा भण्डारी ३८ मिनट २६.०३ सेकेन्डको समयसहित तेस्रो भइन् । आर्मीकी पूर्ण लक्ष्मी न्यौपाने चौथो तथा एपीएफकी बिन्द्र श्रेष्ठ पाँचौँ भइन् ।

प्रतियोगिताको पुरुष तथा महिलातर्फको विजेताले समान ६० हजार, उपविजेताले ३० हजार र तेस्रो हुनेले १५ हजार प्राप्त गरेका छन् । यस्तै चौथो र पाँचौँ हुनेले क्रमशः १० र पाँच हजार प्राप्त गरेका छन् । यसैगरी राष्ट्रिय कीर्तिमानसहित उपाधि जितेकी राजपुराले थप १० हजार हात पारिन् ।


क्याटेगोरी : खेलकुद
ट्याग : #Page 8

तपाईको प्रतिक्रिया