राष्ट्रव्यापी कृष्णमोहन स्मृति खुुल्ला ब्याडमिन्टन प्रतियोगिता सुरु
काठमाडौं । नेपाल एपीएफ क्लबको आयोजनामा १६ औं राष्ट्रव्यापी कृष्णमोहन स्मृति खुुल्ला ब्याडमिन्टन प्रतियोगिता सुरु भएको छ । आइतबारदेखि सुरु भएको प्रतियोगिताको सशस्त्र प्रहरीका महानिरीक्षक राजु अर्यालले उद्घाटन गरेका हुन् ।
सशस्त्र प्रहरी बलको प्रधान कार्यालय हल्चोक स्वयम्भुमा आयोजित उद्घाटन समारोहमा महानिरीक्षक अर्यालले खेलका मुख्य रेफ्रीलाई सटल कर्क हस्तान्तरण गरी प्रतियोगिताको शुभारम्भ गरेका थिए । उक्त प्रतियोगिता हल्चोकस्थित नेपाल एपीएफ क्लबको कभर्ड हलमा जेठ २४ गतेसम्म सञ्चालन हुनेछ । कुल पुरस्कार राशि आठ लाख ६५ हजार रुपैयाँ रहेको प्रतियोगिताका सम्पूर्ण खेलहरू ब्याडमिन्टन विश्व महासंघ र ब्याडमिन्टन एसियाली महासंघको नियमअनुसार खेलाइने छ । प्रतियोगितामा १० वटा इभेन्ट्सहरू समावेश गरिएको छ । जसमा पुरुष एकल, महिला एकल, पुरुष युगल, महिला युगल, १२ वर्षमुनिका केटा, १९ वर्षमुनिका केटा, भेट्रान्स युगल ४५/५५ वर्ष, मिक्स डबल्स र मास्टर युगल ३५ वर्ष माथि रहेको छ ।
कार्यक्रममा सशस्त्र प्रहरी महानिरीक्षक अर्यालले संस्थापक सशस्त्र प्रहरी महानिरीक्षक स्वर्गीय कृष्णमोहन श्रेष्ठको स्मरणमा आयोजना गरिएको यस प्रतियोगिताले देशभर छरिएर रहेका प्रतिभावान खेलाडीहरूलाई एकीकृत गर्दै खेलकुदको विकासमा महत्वपूर्ण भूमिका खेल्ने बताए । प्रतियोगितामा आइतबार पुरुष एकल, पुरुष युगल, १२ वर्षमुनिका केटा, १९ वर्षमुनिका केटा र मिक्स डबल्स इभेन्ट्सका पहिलो चरणको खेलहरू सञ्चालन भएको थियो ।
क्याटेगोरी : खेलकुद
ट्याग : #Page 8
ताजा अपडेट
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
- बैंकिङ प्रणालीमा कसरी बढ्यो आठ खर्ब रुपैयाँ निक्षेप ?
- विदेशी लगानी ‘अटोमेसन प्रणाली’बाट ल्याइने
- तरलता व्यवस्थापन गर्न ३५ अर्ब तान्दै राष्ट्र बैंक
- नेपाल र कतारबीच आठ क्षेत्रमा सहकार्य हुने
- पहाडी भेगमा आंशिक बदली, बाँकी भागमा मौसम सफा रहने पूर्वानुमान
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया