नेपाल सांस्कृतिक कलाकर्मी संघको पाँचौँ महाधिवेशन

काठमाडौं । नेपाल सांस्कृतिक कलाकर्मी संघको पाँचौँ महाधिवेशन सम्पन्न भएको छ । कार्यक्रममा प्रमुख अतिथि कांग्रेस सहमहामन्त्री भीष्मराज अङदेम्बेले कांग्रेसले हरेक श्रमको सम्मान गर्ने र श्रमिकको रक्षाका लागि श्रमिक आन्दोलनको सुरुवात कांग्रेसले गरेको बताउँदै आङदेम्बेले कलाकर्मीको संरक्षणको लागि युवा लाग्नुपर्ने बताएका छन् ।

अधिवेशनबाट कलाकर्मी संघको अध्यक्षमा उदिराम खड्का चयन भएका छन् । आइतबार काठमाडौंमा भएको पाँचौँ अधिवेशनबाट खड्काको अध्यक्षतामा ३५ सदस्यीय नयाँ कार्यसमिति निर्विरोध चयन गरिएको हो । वरिष्ठ उपाध्यक्ष रुक्मिणी गिरी, सन्तोष गुरूङ, महिला उपाध्यक्ष सन्ध्या सानु घताने चयन भएका छन् । कोशी प्रदेश अध्यक्षमा कविता गेलाल, मधेश प्रदेश अध्यक्षमा प्रदेशी शाह, बागमती प्रदेशमा महेशप्रसाद हाडा र गण्डकी प्रदेश अध्यक्षमा रामजी खाण चयन भएका छन् । लुम्बिनी प्रदेश अध्यक्षमा खुमबहादुर केसी, कर्णाली प्रदेश अध्यक्षमा कृष्ण रेउले र सुदूरपश्चिम प्रदेश अध्यक्षमा सुरत रावत चयन भएका छन् ।

प्रदेश अध्यक्ष स्वतः केन्द्रीय उपाध्यक्षसरह हुन्छन् । त्यस्तै महासचिवमा लिलाधर भट्टराई (लिगेस), उपमहासचिवमा दीपक भण्डारी, हिक्मत शाही (क्षितिज) र पवन चुकाह चयन भएका छन् । कोषाध्यक्षमा दिपेन्द्र आले र सहकोषाध्यक्ष जालुमाया गुरुङ चयन भएका छन् ।