सडक ढलानमा वडाध्यक्षले अनियमितता गरेको स्थानीयको आरोप
उमेश दुबे
बारा, असार ११
बाराको फेटा गाउँपालिकाबाट विकासको निम्ति बिनियोजन गरिएको रकम स्थानीय सरकारकै सहयोगमा अनियमितता भएको पाइएको छ । सडक ढलान गर्नको निम्ति इट्टा, बोल्डर, गिटी, बालुवालगायत सिमेन्टको प्रयोग हुने गरे पनि बोल्डर माथि नै ढलान गर्न लागिएको छ । फेटा गाउँपालिका वडा नम्बर ४ फूलवरीयामा भइरहेको सडक ढलानमा वडा अध्यक्षकै संलग्नतामा अनियमितता भएको स्थानीयले आरोप लगाएका छन् । सडक ढलान ६ इन्च हुनुपर्नेमा ३ इन्च मात्रै ढलान गरिरहेको स्थानीयले बताए ।
वडाअध्यक्षले फूलवरीया टोलमा भइरहेको सडक ढलानमा आफ्नै घरको सदस्यलाई उपभोक्ता समितिका अध्यक्ष बनाई रकम हिनामिना गर्नको निम्ति ६ इन्चको ठाउमा मात्र ३ इन्च ढलान गरिरहेको स्थानीयले आरोप लगाएका छन् । वडा अध्यक्ष वकिल यादवले गाउँपालिकाबाट आएको बजेटलाई दुरुयोग गर्दै आफ्नो मनोमानी तरिकाले सडक ढलान गराइरहेको उनीहरूको भनाइ छ । स्थानीयहरूले विकासको नाममा आएको बजेटले राम्ररी विकास निर्माणको कार्य हुन नसकेको बताए ।
फेटा गाउँपालिकाका अध्यक्ष अमिरीलालप्रसादले गाउँपालिकामा पर्ने ७ वटै वडाहरूमा सडक ढलान, नालालगायतको निर्माण कार्य भइरहेको बताए । सडक ढलान, नाला निर्माणलगायतको कार्यमा कुनै किसिमको लापरबाही गरेको भेटिए भुक्तानी नगर्ने गाउँपालिका अध्यक्ष प्रसादले बताए । उनले आफ्नो क्षत्रेमा पर्ने सबैजसो गाउँहरूमा सडक निर्माणको कार्य भइरहेको हुँदा समयको अभावले आफैँ नखटी इन्जिनियरलगायतको टोलीलाई परिचालन गरिएको बताए । फेटा गाउँपालिका वडा नम्बर ४ का वडा अध्यक्ष वकिल यादवले सडक ढलानमा आफूले उपभोक्ता समितिलाई केही निर्देशन नदिएको बताए ।
क्याटेगोरी : नेपाल
ताजा अपडेट
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया