सुबास बस्नेत
दोलखा, मंसिर २९
हिउँ परेसँगै दोलखामा आन्तरिक पर्यटकको संख्यामा वृद्धि भएको छ । जिल्लाको हिमाली क्षेत्र कालिन्चोक, शैलुङ, खरीढुङ्गा लगायतका उच्च भूभागहरुमा शुक्रबार बिहादेखि नियमित हिमपात भइरहेको छ । जिल्लामा हिउँ परेसँगै हिउँमा रमाउने पर्यटकको चाप पनि एक्कासि बढेको हो । मौसम बदली भएसँगै दोलखाको उच्च हिमाली क्षेत्रमा शुक्रबार हिमपात भएको हो । दोलखाको धार्मिक एवम् पर्यटकीय क्षेत्र कालिञ्चोकसहित उच्च क्षेत्रमा हिमपात भएको हो । कालिञ्चोक क्षेत्रमा बाक्लो हिमपात भएको छ भने जिल्लाको अन्य उच्च भूभाग जिरीको चेर्दुङ, शैलुङ, खरीढुङ्गालगायतका ठाउमा हिमपात भएको स्थानीयले बताएका छन् ।
गत वर्षको तुलनामा यस वर्ष निकै अगाडिदेखि नै हिमपात सुरु भएकोले पर्यटकको संख्यामा पनि वृद्धि हुने अनुमान गरिएको छ । यो वर्षको पहिलो हिमपात भएको दिन शुक्रबार पनि करिब ३० हजार पर्यटक कालिञ्चोक हिउँ खेल्न पुगेको कालिन्चोक होटल व्यवसायी चन्द्र कुमार तामाङले जानकारी दिए । हिमपातका कारण कालिञ्चोक क्षेत्रमा सवारीसाधन सञ्चालनमा कठिन भएको प्रहरीले जनाएको छ । हिमपात सुरु भएसँगै जिल्लाको उच्च भूभाग तथा तथा डाँडाहरु सेताम्य देखिन थालेका छन् ।
काठमाडौंबाट १ सय ३३ किलोमिटर दूरीमा रहेको कालिञ्चोक मन्दिर पुग्न सदरमुकाम चरीकोटबाट १७ किलोमिटर सडक यात्रा पार गर्नुपर्ने हुन्छ । साथै हिउँदे वर्षा भएपछि हिउँदे बाली लगाउने कृषक उत्साहित बनेको छन् । गहुँ, आलु र बेमौसमी तरकारी खेती गर्ने कृषकलाई हिउँदे झरीले थप उत्साही बनाएको स्थानीय कृषकको भनाइ छ । केही दिनयता मौसम बदली भएसँगै चिसो बढेपछि जिल्लाभरको जनजीवन भने थप प्रभावित भएको छ ।
क्याटेगोरी : नेपाल
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया