४ जनामा कोरोना देखिएपछि सोलुखुम्बुका स्थानीय त्रसित
महेन्द्र शाही
सोलुखुम्बु, साउन ७
हिमाली जिल्ला सोलुखुम्बुमा ४ जनामा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशाला टेकुमा गरिएको पीसीआर परीक्षणको ४ जनाको रिपोर्ट पोजेटिभ आएको स्वास्थ्य कार्यलय सोलुखुम्बुले जनाएको छ । पोजेटिभ रिर्पोट आउनेमा सोलुदूधकुण्ड नगरापालिकाका २ जना र थुलुङ दूधकोशी गाउँपालिका २ जना रहेको स्वास्थ्य कार्यालय सोलुखम्बुका प्रमुख रमेश खकुरेलले जानकारी दिए ।
संक्रमित सबै पुरुष रहेका छन् । गत असार २८ गते साउदीबाट फर्किएका सोलुदूधकुण्ड नगरपालिकाका ८ का २७ वर्षीय र वडा नम्बर ११ का २६ वर्षीय पुरुषमा कोरोना संक्रमण भएको हो । यस्तै साउदीबाट नै फर्किएका थुलुङ दूधकोशी गाउँपालिकाका ७ का ३४ वर्षीय र वडा नम्बर ५ का ३२ वर्षीय पुरुषमा कोरोना संक्रमण पुष्टि भएको खकुरेलको भनाइ छ ।
जिल्लामा एकै पटक ४ जनामा कोरोना पोजेटिभ देखिएपछि स्थानीयमा त्रास उत्पन्न भएको छ । जिल्लामा पहिलो कोरोना संक्रमण देखिएका युवा निको भएर घर फर्किसकेको अवस्थामा पुुनः थप संक्रमित देखिएको हो । जिल्ला बाहिरबाट कोहि चिनेकै व्यक्ति आउँदा पनि सोधि खोजी गर्ने गरेको सोलुदूधकुण्ड नगरपालिका वडा नम्बर ११ तिङ्लाका टोइबहादुर कटुवालको भनाइ छ ।
कोरोना संक्रमित देखिएका २ वडालाई सिल गरिएको गाउँपालिका अध्यक्ष असिम राईको भनाइ छ । अब पालिकामा ल्याउने व्यक्तिको पनि अनिवार्य पीसीआर गरेर मात्र ल्याउने उनको भनाइ छ । स्थानीयले पनि सचेतना अपनाउने पर्ने उनको तर्क छ । यता सोलुदूधकुण्ड नगरपालिकाका मेयर नाम्गेल जाङ्बु शेर्पाले भने सिल गर्नु मात्र समस्याको समाधान नभएको भन्दै विदेशबाट आएकाहरू मात्र नभएर अरु व्यक्तिको पनि पीसीआर परीक्षण गर्ने तयारी भइरहेको बताए ।
क्याटेगोरी : नेपाल
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया