धादिङ रुबीभ्यालीको पहिरोपीडितलाई त्रिपाल प्रदान
काठमाडौं, असोज १
धादिङको पहिरोपीडितलाई त्रिपाल प्रदान गरिएको छ । धादिङ ५ रुबीभ्याली गाँउपालिकाले कपुरगाँउ र तायुवम्तमको पहिरोपीडितलाई राहतस्वरूप त्रिपाल प्रदान गरिएको हो । गाँउपालिकाकी उपप्रमुख बिना लामाले पहिरोपीडितहरूलाई पानीबाट जोगिनको लागि भन्दै त्रिपाल प्रदान गरेको थिइन् । कपुरगाँउ र तायुम्वतमका करिब एक सय २० भन्दा बढी घरमा वर्षासँगै आएको पहिरोको कारण क्षति हुन पुगेको थियो । उक्त क्षेत्रका पीडितहरूलाई उपप्रमुख लामाले सहयोग वितरण गरेकी हुन् ।
रुबीभ्यालीका विभिन्न टोलमा पहिरोपछि पनि ढुंगा झर्ने, स–साना पहिरो खसिरहँदा स्थानीय त्रसित बन्न पुग्नुको साथै उनीहरू ढुक्कले घरमा बस्नसक्ने अवस्थमा समेत नरहेको पाइन्छ । पहिरोले घरमा क्षति पुगेसँगै स्थानीयहरू अन्यत्र सरेका छन् जसले गर्दा उनीहरूलाई त्रिपाल, जस्ता, खाद्यन्नलगायत अति आवश्यक वस्तुहरू आवश्यक परेको थियो भने त्यसको लागि विभिन्न संघसंस्था तथा स्थनीयले सहयोग समेत गरिरहेका छन् । विभिन्न संस्थाहरूको सहयोगमार्फत् प्राप्त भएको आर्थिक सहयोगबाट त्रिपाल किनेर वितरण गरिएको स्थानीय नरछिरिङ तामाङ (प्रशान्त)ले बताए । उनले धादिङ रुबीभ्याली गाँउपालिका मात्र नभएर धादिङका अन्य क्षेत्रका पहिरोपीडितलाई समेत सहयोग गर्ने मनसाय रहेको बताए ।
यस्तै पहिरोको जोखिम भने अझै रहेको बताइएको छ । वर्षाका कारण धादिङको विभिन्न स्थानहरू चिरा चिरा परेको कारण बस्तीहरू अझै जोखिममा रहेको छ । यसरी जोखिममा रहेका टोलहरूमा कपुरगाँउका साथै विकटोल, तीर, घेम्ताङ, छेदुङलगायतका रहेका छन् भने स्थानीयका अनुसार धादिङको विभिन्न स्थानमा अझै पनि करिब दुई सय ४० वटा घर पहिरोको जोखिममा रहेको छ । वर्षासँगै आएको बाढीपहिरोको कारण मुलुकका विभिन्न स्थानमा सर्वसाधारणको मृत्यु हुनुको साथै खाद्यन्न, त्रिपाललगायतका आवश्यक वस्तुहरूको समस्या भोग्नु परेको छ ।
क्याटेगोरी : नेपाल
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया