बाँकेमा शुक्रबार र शनिबारको निषेधाज्ञा हटाइयो
बाँके, असोज १
केही हप्तादेखि बाँके जिल्लामा लगाइँदै आएको शुक्रबार र शनिबारको निषेधाज्ञा हटाइएको जिल्ला प्रशासन कार्यालय बाँकेका निमित्त प्रमुख जिल्ला अधिकारी हरी प्याकुरेलले जानकारी दिएका छन् । निषेधाज्ञा हटे पनि कोरोनाको जोखिम उत्तिकै रहेकोले स्वास्थ्य मापदण्डका पूरा विधि अपनाउन समेत उनले सबैलाई आग्रह गरेका छन् ।
बाँके जिल्लामा कोरोना संक्रमणको दरमा वृद्धि भएसँगै जिल्ला प्रशासनले बाँकेमा शुक्रबार र शनिबार गरी हप्ताको दुई दिनसम्म निषेधाज्ञा लगाउँदै आएको थियो । बाँकेमा अबदेखि लक्षणविनाका कोरोना संक्रमित र सामान्य लक्षणसहितका संक्रमित व्यक्ति होम आइसोलेसनमै बस्नुपर्ने भएको छ ।
बुधबार बाँके जिल्लाका निमित्त प्रमुख जिल्ला अधिकारी हरी प्याकुरेलको अध्यक्षतामा बसेको जिल्ला कोभिड–१९ संकट व्यवस्थापन केन्द्रको बैठकले यस्तो निर्णय गरेको हो । कोभिड–१९ संक्रमण भएका तर लक्षण नभएका र सामान्य लक्षण भएका संक्रमितहरुलाई होम आइसोलेसनसम्बन्धी राष्ट्रिय निर्देशिकाले तोकेको मापदण्डबमोजिम सम्बन्धित पालिकाको स्वास्थ्य शाखाको संयोजकत्वमा नियमित अनुगमन र सुपरिवेक्षणमा रहने गरी होम आइसोलेसनमा राख्ने व्यवस्थासहितको निर्णय गरिएको निमित्त प्रजिअ प्याकुरेलले जानकारी दिए ।
त्यसैगरी, बैठकले संक्रमितको अक्सिजन लेभल मापन गर्नका लागि प्रत्येक स्थानीय तहले स्वास्थ्य शाखामा पर्याप्त संख्यामा पल्स अक्सिमिटरको व्यवस्था गर्नुपर्ने निर्णय पनि गरेको छ ।
क्याटेगोरी : नेपाल
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया