मदनराज भट्ट
डडेल्धुरा, पुस ११
नेपाल र भारत सीमावर्ती महाकाली नदीले गर्ने कटानका कारण भित्री मधेश जोगबुढाका बस्तीहरू उच्च जोखिममा छन् । महाकाली नदीका साथै अन्य नदी र खोलाहरूको कटानका कारण भित्री मधेश क्षेत्रको परशुराम नगरपालिका–६ का वस्तीहरू वर्षेनी उच्च जोखिममा पर्ने गरेका हुन् । वर्षेनी वर्षातका बेला नदी कटानका कारण बडा नं. ६ का बस्तीहरू मानवविहीन बन्न थालेका हुन् । वडा नं. ६ का अधिकांश बस्तीसँगै महाकाली नदीको कटानका कारण वडा नं. ५ स्थित महाकाली नदीको तटमा रहेको प्रसिद्ध धार्मिक तीर्थस्थल परशुरामधामकै अस्तित्व संकटमा पर्न थालेको परशुराम नगरपालिकाका नगरप्रमुख भिमबहादुर साउदले बताए ।
परशुरामधामदेखि वडा नम्बर ५ र ६ का सबै बस्तीहरूमा गुरु योजनासहित तटबन्ध निर्माण गर्न डीपीआर समेत निर्माण गरेर संघीय सरकारलाई आग्रह गरिएको उनले बताए । महाकाली नदीको तटीय क्षेत्रमा रहेका परशुराम नगरपालिका–५ परिगाँउसहित वडा नं. ६ का पटरेनी, ठण्डाजाला, सरगौडा, सिमलखेत, कुडा, छेला, तातापानी, बण्ड, सिसझाला, भौरकुण्डा, खालीगडा र कराली गाँउहरू नदी कटानको उच्च जोखिममा रहेको परशुराम नगरपालिकाले जनाएको छ ।
वडा नं. ६ का अधिकांश बस्तीहरूमा नदी कटानका कारण आधाभन्दा बढी भू–भाग बगरमा परिणत भइसकेपछि आधा जनसंख्या पनि विस्थापित भइसकेको वडा नं. ६ का वडाध्यक्ष खगेन्द्रबहादुर सिंहले बताए । महाकाली नदीका साथै महाकालीमा मिसिने अन्य नदी र खोलासँगै चुरे क्षेत्रबाट निस्कने खहरे खोलाका कारण बस्तीहरूमा कटान हुनेगरेको छ । रुडुक डडेल्धुराद्वारा कार्यान्वयन भइरहेको दक्षिण एसियाली अन्तरदेशीय सीमा नदीको पानीको सामुदायिक सदुपयोग परियोजना (ट्रोसा) तटीय क्षेत्रमा जोखिम न्यूनीकरणका लागि जनचेतना अभिवृद्धि गरिरहेको छ भने बर्खायाममा महाकाली नदीमा आउने बाढीबाट जोगाउन पूर्वसूचना प्रणालीसमेत व्यवस्थित गरिएको ट्रोसा परियोजनाका कार्यक्रम अधिकृत अमर साउदले बताए ।
क्याटेगोरी : नेपाल
ताजा अपडेट
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया