चार्थलीको सिंगो टोल नै ठगेर एक निजी कम्पनी फरार
सुबास बस्नेत
दोलखा ।
अनुदानको लोभ देखाई एक निजी कम्पनीले दोलखाको भीमेश्वर नगरपालिका वडा नम्बर ३ चार्थलीका सयौं किसानलाई ठगेर फरार भएको छ । कृषकसँग ठूलो रकम उठाएर सम्पर्कविहीन बनेका उक्त कम्पनी एक वर्ष बितिसक्दा पनि सम्पर्कमा नआएपछि यहाँका कृषकहरूले कम्पनीलाई कारबाही गरिदिन माग गरेका छन् ।
एसोसियसन अफ एग्रिकल्चर नेपाल प्रालि नामक कम्पनीले दोलखाको भीमेश्वर नगरपालिका र विगु गाउँपालिकाका कृषकहरूसँगबाट ३१ लाख छ हजार पाँच सय रुपैयाँ उठाई फरार भएको हो । उक्त कम्पनीका प्रोपाइटर गणेशदत्त भट्टले दोलखाका कृषकहरूलाइ कम्पनीको सदस्य बनाई सदस्यबाट उठाएको रकम १२ लाख २४ हजार पाँच सय, पशुपन्छी माग गर्न उठाएको तीन लाख २४ हजार, घरभाडा एक लाख आठ हजार र कर्मचारीको तलबबापतको १३ लाख ५० हजार गरी ३१ लाख छ हजार पाँच सय रुपैयाँ उठाई फरार भएको भीमेश्वर नगरपालिका चार्थलीकी कृषक सुन्दरी कार्कीले जानकारी दिइन् ।
आफूलाई गाउँमा आएर जागिर र अनुदानको आस देखाएर आठ लाख रुपैयाँ रकम उठाएर कम्पनी नै फरार भएको उनको भनाइ छ । त्यस्तै सोही गाउँकी कृषक रिता सुवेदीले पनि आफूलाई अनुदानमा बाख्रा दिने लोभ देखाएर उक्त कम्पनीले सदस्य बनाइ रकम असुल गरेर फरार भएकोले कारबाही गर्न माग गरेकी छन् । उक्त कम्पनीबाट ठगिएका कृषकहरूहरूले प्रमुख जिल्ला अधिकारीलाई ज्ञापनपत्र बुझाउँदै कम्पनीको सञ्चालनलाई खोजी गरी क्षतिपूर्ति भराउन र कारबाही गर्न माग गरेका छन् । उक्त कम्पनीले गाउँगाउँमा गएर कम्पनीको सदस्य बन्नेलाई व्यावसायिक कृषि खेती गर्नको लागि ५० प्रतिशत अनुदान दिने भन्दै सदस्य बनाएको थियो ।
सहकारीको शैलीमा सदस्यता बनाउने तथा मासिक रकम उठाउँदै आएको उक्त कम्पनीले, उन्नत जातका बाख्रा, गाई र बीउबिजन ल्याउने भन्दै कृषकहरूसँग रकम असुलेको थियो । ५० प्रतिशत कम्पनीले व्यहोर्ने र ५० प्रतिशत कृषकले व्योहोर्ने भन्दै रकम उठाएर गाई लिन हिँडेका कम्पनीका प्रोपाइटर गणेशदत्त भट्ट एक वर्षदेखि सम्पर्कविहीन छन् । कम्पनीले मासिक १६ हजार तलब दिन्छ भन्ने आशामा कृषकको घर घरमा पुगी पाँच सयका दरले पैसा उठाउँदै सदस्य बनाउन हिँडेकी स्थानीय कर्मचारी सुन्दरी कार्कीलाई कृषकले पैसा फिर्ता दिन दबाब दिइरहेका छन् ।
आफूहरूलाई कृषकहरूले दबाब दिन थालेपछि जिल्ला प्रशासन दोलखामा ज्ञापनपत्र बुझाएको उनले बताइन् । उक्त कम्पनीले करिब एक हजार पाँच सय कृषकलाई ठगी गरेको छ । एसोसियसन अफ एग्रिकल्चर नेपाल प्रालि नामक कम्पनी कोहलपुर नगरपालिका ११, बाँके २०७३ सालमा दर्ता भएको छ । ठगसंस्थालाई तत्कालीन भीमेश्वर नगरपालिका प्रमुख प्रशासकीय अधिकृत रामकृष्ण उप्रेतीले २०७५ कात्तिक १४ गते र बिगु गाउँपालिकाका प्रमुख युधिष्ठर खड्काले २०७६ साउन १९ गते कार्यक्रम सञ्चालन गर्न अनुमति दिएका थिए ।
क्याटेगोरी : नेपाल
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया