बैतेश्वरको पाँडुडाँडामा सहिद पार्क निर्माण
दोलखा ।
दोलखाको बैतेश्वर गाउँपालिकाले सहिद पार्क निर्माण गरिरहेको छ । गाउँपालिकाले जनयुद्ध र जनआन्दोलनमा ज्यान गुमाएका व्यक्तिहरूको सम्झनामा पालिका केन्द्रसँगै सहिद पार्क निर्माण गर्न लागेको हो । पर्यटकको आकर्षणको केन्द्रविन्दुका रुपमा पालिकाको केन्द्रलाई स्थापित गर्न गाउँपालिकाले सहिद पार्क निर्माण गर्न लागेको गाउँपालिका अध्यक्ष छवि लामाले बताए । उनका अनुसार गत आर्थिक वर्ष २०७६/०७७ मा गाउँपालिकाको छुट्याएको ५ लाख र चालू आर्थिक वर्षमा प्रदेश सरकारले छुट्याएको २५ लाख रुपैयाँमा सहिद पार्क निर्माण भइरहेको छ ।
जनयुद्ध र जनआन्दोलनमा सहादत प्राप्त गर्ने व्यक्तिको शालिक राखेर उनीहरूको सम्मान गर्ने बैतेश्वरवासीको चाहना रहेको हुँदा सहिद पार्क निर्माण गर्न लागिएको पालिका उपाध्यक्ष रबिचन्द्र आचार्यले बताए । उपाध्यक्ष आचार्यका अनुसार बैतेश्वर गाउँपालिका समुद्री सतहदेखि करिब ८८६ मिटरदेखि ३०४७ मिटरसम्मको उचाइमा रहेको छ । यस गाउँपालिकाको क्षेत्रफल ८० दशमलव ४१ वर्ग किमि छ ।
साविकका क्षत्रपा, नाम्दु, काबे्र, गैरीमुदी, मीर्गे गाविस मिलेर यो पालिका बनेको छ । तामाङ, क्षेत्री, बाह्मण, जिरेल, थामीलगायतका जातजातिको बाहुल्य रहेको यस गाउँपालिकाको प्रमुख व्यापारिक नाका तथा बजारहरू मैनापोखरी, खाँवा, तामाकोशी, नाम्दु, लहरेमाने, पुतलीकाठ आदि पर्दछन् । पूर्वमा जिरी नगरपालिका, पश्चिममा भीमेश्वर नगरपालिका, उत्तरमा गौरीशंकर गाउँपालिका तथा कालिञ्चोक गाउँपालिका र दक्षिणमा तामाकोशी गाउँपालिका रहेको यो पालिका जिरी जाने प्रमुख नाका हो ।
क्याटेगोरी : नेपाल
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया