मानवअधिकार सम्मान तथा पुरस्कारको घोषणा

काठमाडौं ।
राष्ट्रिय मानवअधिकार आयोगले ‘दयाराम स्मृति मानवअधिकार सम्मान’ यसवर्ष मानव अधिकारकर्मी तथा अभियन्ता डा. रेणु अधिकारी र ‘मानव अधिकार पुरस्कार’ पत्रकार तथा मानव अधिकारकर्मी झलक गैरेलाई प्रदान गरिने निर्णय गरेको छ । आयोगले अन्तर्राष्ट्रिय मानव अधिकार दिवसको सन्दर्भमा मानव अधिकार सम्मान तथा पुरस्कारको घोषणा गरेको हो ।

आयोगका अनुसार सम्मानित हुने डा. रेणु अधिकारी महिला मानवअधिकार रक्षक सञ्जाल (ओरेक) नेपालका संस्थापक तथा लैङ्गिक समानता, लैङ्गिक न्याय र महिला हिंसाको न्यूनीकरणको अभियानमा विगत तीन दशकदेखि निरन्तर कार्य गर्दै आएकी छिन् । पुरस्कृत हुने अर्का व्यक्ति झलक गैरे नेपालगञ्जस्थित नेपालगञ्ज दैनिकको प्रधान सम्पादक, रेडियो भेरी आवाजका स्टेशन प्रमुख, नेपाल पत्रकार महासंघको पूर्व केन्द्रीय सदस्य/प्रदेश संयोजक हुन् । आयोगले प्रत्येक वर्ष मानवअधिकारको क्षेत्रमा काम गर्ने व्यक्तीहरूलाई दयाराम स्मृति मानवअधिकार सम्मान र मानव अधिकार पुरस्कारले सम्मान गर्दै आइरहेको छ ।