रक्तदान कार्यक्रम आयोजना

काठमाडौं ।
समृद्धि स्कुल बालाजुको क्लब २५, समृद्धि च्याप्टर, चःमति नेवाः खलः र किलाघः त्वा मिसा पुचःको संयुक्त आयोजनामा शनिबार समृद्धि स्कुल बालाजुमा रक्तदान कार्यक्रम सम्पन्न भएको छ । यस कार्यक्रममा संलग्न रेडक्रस प्रतिनिधिका अनुसार कोभिड १९ को संक्रमणपश्चात् विद्यालयमा सम्पन्न यो पहिलो रक्तदान कार्यक्रम हो ।

उक्त कार्यक्रममा ७३ जना विद्यार्थी, अभिभावक तथा स्थानीय दाताहरूले रक्तदान गरेका थिए । समृद्धि स्कुल बालाजुको क्लब २५ का विद्यार्थीहरूले व्यवस्थापन गरेको उक्त कार्यक्रममा रक्तदाताहरू तथा सहयोगी संस्थाहरूलाई समृद्धि स्कुलका सीईओ/प्रिन्सिपल नरेशप्रसाद श्रेष्ठ, चःमति नेवाः खलःका अध्यक्ष पूर्णकाजी ज्यापुलगायतले प्रमाणपत्र वितरण गरेका थिए ।

उक्त समारोहमा सीईओ/प्रिन्सिपल श्रेष्ठले, युवाहरूलाई स्वच्छ र स्वस्थ जीवनशैली अपनाई रक्तदानको माध्यमबाट मानवसेवा तथा जीवनदान गर्न सघाउने उद्देश्यले विश्व स्वास्थ संगठन (डब्लुएचओ)ले क्लब २५ को अवधारणा ल्याएको जानकारी विद्यार्थी तथा स्वयंसेवकहरूलाई गराएका थिए ।