सोलुखुम्ब ।
सोलुखुम्बु जिल्लाको महाकुलुङ गाउँपालिकामा रक क्लाइम्बिङ सेन्टर स्थापनाका लागि सम्भाव्यता अध्ययन गरिएको छ । गाउँपालिका र स्थानीय तेण्डी शेर्पाको समन्वयमा रक क्लाइम्बिङ सेन्टरका लागि अध्ययन गरिएको हो ।
प्राविधिकको टोलीले गाउँपालिकाको बुङ, पेल्माङ, छेस्काम, गुदेल, चाचालुङलगायतका स्थानको भीरको अध्ययन गरेको अन्तर्राष्ट्रिय माउन्टेन गाइड तथा नेपाल पर्वतारोहण पथ प्रदर्शक संघका प्राविधिक प्रमुख तेण्डी शेर्पाले जानकारी दिए । गाउँपालिकाका विभिन्न स्थानमा रहेका सम्भावित भीरको अध्ययन गरिएको शेर्पाको भनाइ छ ।
अध्ययनका क्रममा चट्टान परीक्षण गर्दा महाकुलुङ गाउँपालिका वडा नम्बर १ बुङ र सोताङ गाउँपालिकाबीचको सिमानामा रहेको ममदी भीरमा रक क्लाइम्बिङ सेन्टर स्थापना गर्न उपयुक्त देखिएको उनले बताए । अब आवश्यक संरचना निर्माणका लागि थप तयारी गरिने बताइएको छ । तेण्डीको पहलमा विदशी दाताहरूले उपलब्ध गराएको तीन लाख ६० हजार र महाकुलुङ गाउँपालिकाको पाँच लाख बजेटमार्फत रक क्लाइम्बिङ सेन्टर स्थापना हुने जनाइएको छ ।
आन्तरिक पर्यटनलाई बढवा दिनका साथै युवालाई क्लाइम्बिङ तालिम प्रदान गरी माउन्टेनरिङ क्षेत्रलाई थप सहज बनाउन रक क्लाइम्बिङ सेन्टर स्थापना गर्न लागिएको महाकुलुङ गाउँपालिका अध्यक्ष सागर किराँतीले जानकारी दिए । गाउँपालिकामा प्रशस्त मात्रामा सम्भावना बोकेका भीरहरू रहेकाले त्यसको प्रयोग गरी युवाहरूलाई रोजगारी प्रदान गर्नुका साथै पर्यटन प्रवद्र्धनमा समेत आपूmहरू लागिरहेको गाउँपालिका अध्यक्ष्य किराँतीको भनाइ छ ।
क्याटेगोरी : नेपाल
ताजा अपडेट
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
- बैंकिङ प्रणालीमा कसरी बढ्यो आठ खर्ब रुपैयाँ निक्षेप ?
- विदेशी लगानी ‘अटोमेसन प्रणाली’बाट ल्याइने
- तरलता व्यवस्थापन गर्न ३५ अर्ब तान्दै राष्ट्र बैंक
- नेपाल र कतारबीच आठ क्षेत्रमा सहकार्य हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया