Techie IT
×
गृहपृष्ठनेपालनेपाल उद्यमशील महिला महासंघ र मेगा बैकबीच सम्झौता

नेपाल उद्यमशील महिला महासंघ र मेगा बैकबीच सम्झौता


काठमाडौं ।
नेपाल उद्यमशील महिला महासंघले मेगा बैकसंग सम्झौता भएको छ । विपन्न वर्ग, महिलाद्धारा सञ्चालित लघु, घरेलुका साथै साना तथा मझौला उद्यम व्यवसायहरुलाई प्रवर्द्धन गर्ने उद्देश्यले नेपाल उद्यमशील महिला महासंघसँगले बैकसंग सम्झौता गरेको हो ।

सम्झौतापत्रमा महासंघकी अध्यक्ष देविका बुढाथोकी र बैंककी प्रमुख कार्यकारी अधिकृत अनुपमा खुञ्जेलीले हस्ताक्षर गरेका छन् । सम्झौतापश्चात् मेगा बैंकले महासंघसँग आबद्ध उद्यमी महिलाहरुलाई आफ्नो व्यवसाय विस्तार गर्नको लागि साना तथा मझौला कर्जा एवम् नेपाल राष्ट्र बैंकको सहुलियतपूर्ण ब्याज अनुदान कर्जा निर्देशिका र बैंकको सहुलियतपूर्ण ब्याज अनुदान कर्जा कार्यविधिको अधिनमा रही सहुलियतपूर्ण कर्जा प्रदान गर्नेछ ।

कार्यक्रममा बोल्दै बैंककी प्रमुख कार्यकारी अधिकृत खुञ्जेलीले महिला उद्यमीहरुलाई सहुलियतपूर्ण कर्जा बैंकका सबै शाखा कार्यालयहरु मार्फत छिटो छरितो ढंगले प्रदान गर्ने प्रतिबद्धता व्यक्त गरिन् । साथै महासंघकी अध्यक्ष बुढाथोकीले मेगाले महिला उद्यमशील कर्जालाई प्राथमिकताका साथ प्रवाह गर्दै आएकोले बैंकसँग सहकार्य गर्न लागेको कुरा व्यक्त गरिन् । उक्त सम्झौतापश्चात् बैंकले महासंघसँग आबद्ध उद्यमी महिलाहरुलाई देशभरका शाखाहरुबाट प्राथमिकताका साथ सहुलियतपूर्ण कर्जा सेवा उपलब्ध गराउनेछ ।



तपाईको प्रतिक्रिया