Techie IT
×
गृहपृष्ठनेपालइन्टिग्रिटी आइकन नेपाल अवार्डबाट पाँच जना कर्मचारी सम्मानित

इन्टिग्रिटी आइकन नेपाल अवार्डबाट पाँच जना कर्मचारी सम्मानित


काठमाडौं ।
इन्टिग्रिटी आइकन नेपाल २०२० बाट पाँच जना कर्मचारी सम्मानित भएका छन् । सम्मानित हुनेहरुमा नेपालगञ्ज स्वास्थ्य चौकी, बाँकेकी जनस्वास्थ्य निरीक्षक आरती थारु, उद्योग, पर्यटन, वन तथा वातावरण मन्त्रालय, लुम्बिनी प्रदेश, बुटवलका महाशाखा प्रमुख दिपक ज्ञवाली, बाली संरक्षण अधिकृत, कृषि ज्ञान केन्द्र, ओखलढुंगाका निमित्त प्रमुख हेम बहादुर आले मगर, महिला, बालबालिका तथा ज्येष्ठ नागरिक शाखा, मंगलसेन नगरपालिका, अछामकी अधिकृत मञ्जु महत र नीलकण्ठ उच्च माध्यमिक विद्यालय, धादिङका शिक्षक नविनबन्धु पहाडी रहेका छन् ।

कोभिड–१९ को जोखिम कायमै रहेकोले यस वर्षको सम्मान कार्यक्रम सीमित व्यक्तिको उपस्थितिमा सम्पन्न गरिएको थियो । ५० जना प्रत्यक्ष सहभागी रहेको कार्यक्रमको सामाजिक सञ्जालबाट गरिएको प्रत्यक्ष प्रसारणमा ५० हजारभन्दा बढी व्यक्तिले हेरेका थिए । पाँच जना आइकन सार्वजनिक भइसकेपछि उनीहरूलाई चिनाउन र यस अभियानमा आम नागरिकलाई सहभागी गराउन सामाजिक सञ्जालहरूबाट विभिन्न अभियानहरू सञ्चालन गर्नुका साथै जिल्लास्थित सञ्जाल पनि परिचालन गरिएको थियो ।

एक हजार पाँँच सयभन्दा बढी मनोनयनमध्ये पाँच जना उत्कृष्ट कर्मचारीलाई छुट्टाछुट्टै टाइटलबाट अवार्ड गरिएको छ । भ्रष्टहरूलाई गाली वा औँला ठड्याउने मात्र हैन, इमानदार राष्ट्रसेवक कर्मचारीको पहिचान सम्मान र सहभागितामा संयन्त्र सुधार्न सकिन्छ भन्ने उद्देश्यका साथ सन् २०१४ मा नेपालबाट सुरु भएको यो अभियान सातौँ संस्करणसम्म आइपुग्दा विश्वका १२ वटा देशमा विस्तारित भइसकेको छ ।



तपाईको प्रतिक्रिया