Techie IT
×
गृहपृष्ठनेपालपरिसंघले सबै उत्पत्तिको प्रमाणपत्र जारी गर्न पाउने

परिसंघले सबै उत्पत्तिको प्रमाणपत्र जारी गर्न पाउने


काठमाडौं ।
नेपाल उद्योग परिसंघले नेपालबाट निर्यात हुने वस्तुहरुको उत्पत्तिको प्रमाणपत्र जारी गर्न पाउने भएको छ । मन्त्रिपरिषद्बाट स्वीकृत भएको उत्पत्तिको प्रमाणपत्र जारी गर्नेसम्बन्धी कार्यविधि, २०७७ अनुसार उत्पत्तिको प्रमाणपत्र जारी गर्न परिसंघले अनुमति पाएको हो ।

परिसंघले अब भारतलगायत सार्क मुलुकमा समेत उत्पत्तिको प्रमाणपत्र जारी गर्ने अधिकार प्राप्त गरेको छ । परिसंघले सधैँ स्वदेशी उत्पादनहरुको गुणस्तर वृद्धि गरी निर्यात प्रवर्द्धनमा जोड दिँदै आइरहेको जनाएको छ । सरकारले परिसंघको योगदान, उद्योग र निर्यात क्षेत्रको योगदानलाई कदर गर्दै जिम्मेवारी प्रदान गरेकोमा सरकारलाई धन्यवाद ज्ञापन गरेको छ ।

उत्पत्तिको प्रमाणपत्र जारी गर्दा प्राप्त भएको आम्दानीलाई निर्यात प्रवर्द्धनका कार्यक्रमहरु र गतिविधिहरु सञ्चालन गरी खर्च गर्ने र निर्यात प्रवर्द्धनलाई जोड दिने जनाएको छ । सरकारको निर्णयले निर्यातमा आबद्ध सदस्यहरुलाई अझ बढी गुणस्तरीय सेवा प्रदान गर्न प्रोत्साहित गरेको बताएको छ । यसभन्दा पहिले परिसंघले तेस्रो मुलुकमा मात्र उत्पत्तिको प्रमाणपत्र जारी गर्दै आएको थियो ।


क्याटेगोरी : नेपाल

तपाईको प्रतिक्रिया