Techie IT
×
गृहपृष्ठनेपालमनिषाको महामृत्युञ्जय मन्त्र

मनिषाको महामृत्युञ्जय मन्त्र


काठमाडौं ।
अभिनेत्री मनिषा कोइरालाले महामृत्युञ्जय मन्त्र सार्वजनिक गरेकी छिन् । बिहीबार पाटन दरबार क्षेत्रस्थित पाटन म्युजियमको प्रांगणमा उनले लोकप्रिय सांगीतिक समूह सुर सुधासँग सहकार्य गरेर गाएको महामृत्युञ्जय मन्त्रको भिडियो सार्वजनिक गरेकी हुन् ।

उनले कार्यक्रममा प्रत्यक्ष मन्त्र गाएर सुनाएकी थिइन् । उनलाई गायिका सरस्वती खत्री र सुरेन्द्र सुरसुधाले गायनमा साथ दिएका थिए । कार्यक्रममा मनिषाले आफूलाई तीन वर्षअघि नै गाउने सोच आएको बताइन् । उनले आफूले पहिलोचोटि गाएको भए पनि दर्शकले मन पराएको खण्डमा अन्य गीत पनि गाउने बताइन् । मानिस अस्वाभाविक मृत्युबाट बच्न र राम्रो स्वास्थ्यका लागि यो मन्त्र तयार गरिएको गायिका मनिषाले जानकारी दिइन् ।

पशुपतिनाथलगायत विभिन्न धार्मिक तथा सांस्कृतिक स्थलमा छायांकन गरिएको भिडियोमा मनिषाका साथमा सरस्वती खत्री, सुरेन्द्र श्रेष्ठ तथा सुर सुधा ब्यान्डका सदस्यहरुलाई देख्न सकिन्छ । सुरेन्द्र श्रेष्ठको संगीत रहेको महामृत्युञ्जय मन्त्रमा प्रेम रानाले बाँसुरी, सुरेन्द्र श्रेष्ठले तबला, सितारमा राजीव श्रेष्ठ र गितारमा राजीव सुनारले साथ दिएका छन् ।

महामृत्युञ्जयको भिडियोमा अनुप सापकोटाको निर्देशन, परिकल्पना र सम्पादन रहेको छ । महामृत्युञ्जय मन्त्रको भिडियो प्रमुख अतिथि शताब्दी पुरुष सत्यमोहन जोशीले सार्वजनिक गरेका थिए भने विशेष अतिथिको रुपमा ललितपुर महानगरपालिकाका मेयर चिरिबाबु मर्हजनको उपस्थिति थियो ।


क्याटेगोरी : नेपाल

तपाईको प्रतिक्रिया